பேராவூரணி பகுதியில் டெங்கு பாதிப்பு குறைந்து வருகிறது.

பேராவூரணி பகுதியில் டெங்கு காய்ச்சல் பாதிப்பு குறைந்து வருவதாக தொற்றாநோய் பிரிவு மாவட்ட மருத்துவ அலுவலர் எட்வின் தெரிவித்தார். தஞ்சை மாவட்டத்தில் டெங்கு பாதிப்பில் பேராவூரணி பகுதி முதலிடத்தில் இருந்தது. டெங்குவை கட்டுப்படுத்த சுகாதாரத்துறை மூலம் பல்வேறு நடவடிக்கை எடுக்கப்பட்டது. டெங்குவை கட்டுப்படுத்த எடுக்கப்பட்ட நடவடிக்கை குறித்து பேராவூரணி பகுதியில் அரசு மருத்துவமனை, காவல் நிலையம், குமரப்பா மேல்நிலைப்பள்ளி உள்ளிட்ட பகுதிகளில் ஆய்வு தொற்றாநோய் பிரிவு மாவட்ட மருத்துவ அலுவலர் எட்வின் ஆய்வு செய்தார். பின்னர் அவர் கூறுகையில், பேராவூரணி பகுதியில் கடந்த 8ம் தேதிக்கு பிறகு டெங்கு காய்ச்சலால் பாதிக்கப்பட்டவர்கள் கண்டறியப்படவில்லை. சாதாரண காய்ச்சலுக்கு 4 பேர் மட்டுமே சிகிச்சை பெற்று வருகின்றனர். பேராவூரணி வட்டாரத்தில் சுகாதாரப்பணிகள் சிறப்பாக உள்ளது என்றார். டாக்டர்கள் செல்வி, நஸ்ரின், சுகாதார மேற்பார்வையாளர் சந்திரசேகர் உடனிருந்தனர்.

Continue Reading

பேராவூரணி KTS அகாடமி.

பேராவூரணி மாணவ மாணவிகளுக்கு அறிய வாய்ப்பு.TNPSC, VAO அனைத்து அரசு வங்கிகளில் வேலை வாய்ப்பு மிக சிறந்த முறையில் பயிற்சி அளிக்க படுகிறது.

 

Continue Reading

பேராவூரணியில் மழை பொதுமக்களின் இயல்பு வாழ்க்கை பாதிப்பு.

தமிழகத்தில் இந்த ஆண்டு 89 சதவீதம் முதல் 110 சதவீதம் வடகிழக்கு பருவமழை பெய்ய வாய்ப்பு உள்ளதாக சென்னை வானிலை ஆய்வு மையம் அறிவித்தது. அதன்படி திருவாரூர் மாவட்டத்தில் வடகிழக்கு பருவமழை தொடங்கி பரவலாக பெய்து வருகிறது. இந்த நிலையில் வங்க கடலில் உருவான மேலடுக்கு சுழற்சி காரணமாக 2 நாட்கள் மழை பெய்யும் என வானிலை மையம் அறிவித்தது.

பேராவூரணி நேற்று காலை முதல் மழை பெய்தது. தொடர்ந்து மழை பெய்ததால் குளிர்ந்த காற்று வீசியது. பல இடங்களில் சாலைகளில் தண்ணீர் குளம் போல் தேங்கி நின்றது. இதனால் வாகன ஓட்டிகள் பெரிதும் சிரமப்பட்டனர். வாரத்தின் முதல் நாளில் பெய்த மழையினால் பொதுமக்களின் இயல்பு வாழ்க்கை பாதிக்கப்பட்டது. பேராவூரணி மற்றும் அதன் சுற்றுவட்டார பகுதிகளில் பலத்தமழை பெய்தது. மழையின் காரணமாக பேராவூரணி உள்ள அனைத்து பள்ளிகளுக்கு விடுமுறை விடப்பட்டது.

Continue Reading

நவம்பர்.3 ஆம் தேதி வரை கனமழை தொடரும் வானிலை ஆய்வு மையம் அறிவிப்பு

வடகிழக்கு பருவ மழை கடந்த வாரம் தொடங்கிய நிலையில் தென்மேற்கு வங்க கடலில் தமிழகத்தின் அருகே மேலடுக்கு சுழற்சி உருவானது. அது மேற்கு நோக்கி நகர்ந்து இலங்கை அருகே மையம் கொண்டுள்ளது.இதன் காரணமாக திங்களன்று அதிகாலை முதல் சென்னை, திருவள்ளூர், காஞ்சிபுரம் மற்றும் வட மாவட்டங்களிலும் கன்னியாகுமரி, விருதுநகர், ராமநாதபுரம் உள்ளிட்ட தென் மாவட்டங்களிலும் பரவலாக மழை பெய்து வருகிறது. இந்த நிலையில் திங்களன்று முதல் 5 நாட்களுக்கு (நவ. 3-ந்தேதி வரை) மழை தீவிரம் அடையும் என்றும் தமிழகத்தின் கடலோர மாவட்டங்களிலும், உள் மாவட்டங்களிலும், புதுவையிலும் பலத்த, மிக பலத்த மழை பெய்யும் என்றும் இந்திய வானிலை ஆய்வு மையம் அறிவித்து உள்ளது.சென்னையில் விட்டு விட்டு பலத்த மழை பெய்தது. தொடர்ந்து அடைமழை போல் இடைவிடாது மழை பெய்து வருகிறது.சென்னையில் அனைத்துப் பகுதியிலும் மழை கொட்டுகிறது. இதனால் காலை நேரத்தில் அலுவலகம் செல்வோர், பள்ளிக் கூடம் செல்லும் மாணவ-மாணவிகள் அவதிப்பட்டனர்.

தாழ்வான பகுதிகளில் சாலைகளில் மழை வெள்ளம் பெருக்கெடுத்து ஓடியது. வாகனங்கள் மெதுவாக ஊர்ந்து சென்றதால் போக்குவரத்து நெருக்கடி ஏற்பட்டது.சென்னையில் கடந்த சில நாட்களாக லேசான அளவுதான் மழை பெய்தது. இன்றுதான் சாலைகளில் வெள்ளம் பெருக்கெடுத்து ஓடும் அளவுக்கு மழை பெய்கிறது. இதன் மூலம் நிலத்தடி நீர் மட்டம் உயரும். தொடர்ந்து 5 நாட்களுக்கு மழை நீடிக்கும் என்று அறிவிக்கப்பட்டுள்ளதால் சென்னையின் குடிநீர் ஏரிகளுக்கு நீர்வரத்து அதிகரித்து குடிநீர் பிரச்சனை நீங்கும். சென்னையில் கடந்த 24 மணி நேரத்தில் அதிகபட்சமாக மீனம்பாக்கத்தில் 4.6 செ.மீ. மழையும், நுங்கம்பாக்கத்தில் 2 செ.மீ. மழையும் பதிவாகி உள்ளது. இதேபோல், திருவள்ளூர், காஞ்சிபுரம், திருவண்ணாமலை, கடலூர், விழுப்புரம், நாகை, தஞ்சை, திருவாரூர், கன்னியாகுமரி மாவட்டங்களில் பரவலாக பலத்த மழை பெய்து வருகிறது. இதனால் ஏரி, குளங்களுக்கு நீர்வரத்து அதிகரித்துள்ளது. புதுச்சேரியிலும் அதன் சுற்று வட்டாரப் பகுதியிலும் பலத்த மழை பெய்து வருகிறது.

Continue Reading

வரலாற்றில் இன்று அக்டோபர் 31.

அக்டோபர் 31 (October 31) கிரிகோரியன் ஆண்டின் 304 ஆம் நாளாகும். நெட்டாண்டுகளில் 305 ஆம் நாள். ஆண்டு முடிவிற்கு மேலும் 61 நாட்கள் உள்ளன.

நிகழ்வுகள்

475 – ரோமுலசு ஆகுஸ்டலசு ரோமப் பேரராசன் ஆனான்.
1517 – கிறிஸ்தவச் சீர்திருத்த இயக்கம்: மார்ட்டின் லூதர் தனது 95 கொள்கைகளை ஜெர்மனியின் விட்டன்பேர்க் தேவாலய வாசலில் வெளியிட்டார்.
1803 – கப்டன் ட்றைட்பேர்க் தலைமையில் ஆங்கிலேயப் படைகள் பண்டாரவன்னியனின் படைகளைத் தாக்கினர். பலர் கொல்லப்ப்பட்டனர்[1]
1863 – நியூசிலாந்தில் நிலை கொண்ட பிரித்தானியப் படைகள் “வைக்காட்டொ” என்ற இடத்தில் தாக்குதலை நடத்தியதைத் தொடர்ந்து மவோரி போர்கள் மீண்டும் ஆரம்பமானது.
1864 – நெவாடா ஐக்கிய அமெரிக்காவின் 36வது மாநிலமாக இணைந்தது.
1876 – இந்தியாவின் கிழக்குக் கரையில் இடம்பெற்ற மிகப்பெரும் சூறாவளி காரணமாக 200,000 பேர் வரை இறந்தனர்.
1913 – ஐக்கிய அமெரிக்காவின் முதலாவது நெடுஞ்சாலை லிங்கன் நெடுஞ்சாலை திறக்கப்பட்டது.
1924 – உலக சேமிப்பு நாள் இத்தாலியின் மிலன் நகரில் சேமிப்பு வங்கிகளின் உலக அமைப்பினால் அறிவிக்கப்பட்டது.
1931 – தமிழின் முதல் பேசும் படம் காளிதாஸ் வெளியானது.
1941 – இரண்டாம் உலகப் போர்: ஐஸ்லாந்துக்கு அருகில் அமெரிக்கக் கப்பல் ஒன்றை ஜெர்மனியின் படகு தாக்கி மூழ்கடித்ததில் 100 அமெரிக்கக் கடற்படையினர் கொல்லப்பட்டனர்.
1941 – இங்கிலாந்தில் தொழிற்சாலை ஒன்று தீப்பற்றியதில் 49 பேர் கொல்லப்பட்டனர்.
1954 – அல்ஜீரியாவில் பிரெஞ்சு ஆக்கிரமிப்புக்கெதிராக அல்ஜீரிய தேசிய விடுதலை முன்னணி போராட்டத்தை ஆரம்பித்தது.
1956 – ஐக்கிய இராச்சியம் மற்றும் பிரான்ஸ் சூயஸ் கால்வா யைத் திறக்க வற்புறுத்தி எகிப்தின் மீது குண்டுகளை வீசின.
1961 – ஸ்டாலினின் உடல் மொஸ்கோவில் உள்ள லெனினின் நினைவகத்தில் இருந்து அகற்றப்பட்டது.
1963 – இண்டியானாவில் பனிக்கட்டி சறுக்கல் களியாட்ட விழா ஒன்றின் போது இடம்பெற்ற வெடி விபத்தில் 74 பேர் கொல்லப்பட்டு 400 பேர் காயமடைந்தனர்.
1968 – வியட்நாம் போர்: பாரிஸ் அமைதிப் பேச்சுக்களில் முன்னேற்றம் ஏற்பட்டதைத் தொடர்ந்து வட வியட்நாம் மீதான அனைத்துத் தாக்குதல்களையும் நவம்பர் 1 இலிருந்து நிறுத்துவதாக அமெரிக்க அரசுத்தலைவர் லின்டன் ஜோன்சன் அறிவித்தார்.
1969 – வோல் மார்ட் தொடங்கப்பட்டது.
1973 – அயர்லாந்தில் டப்ளின் நகர சிறை ஒன்றில் இருந்து மூன்று ஐரியக் குடியரசு இராணுவத்தினர் அங்கு தரையிறங்கிய கடத்தப்பட்ட உலங்கு வானூர்தி ஒன்றில் தப்பி வெளியேறினர்.
1984 – இந்தியப் பிரதமர் இந்திரா காந்தி இரண்டு சீக்கியப் பாதுகாவலர்களால் சுட்டுக்கொல்லப்பட்டார். அதன் பின்னர் புதுடில்லியில் இடம்பெற்ற கலவரத்தில் சுமார் 2000 சீக்கியர்கள் கொல்லப்பட்டனர்.
1994 – அமெரிக்க விமானம் ஒன்று கடும் பனி காரணமாக இண்டியானாவில் விபத்துக்குள்ளாகியதில் 68 பேர் கொல்லப்பட்டனர்.
1996 – விமானம் ஒன்று பிரேசிலில் வீழ்ந்து நொருங்கியதில் அதில் பயணஞ் செய்த அனைத்து 98 பேரும் தரையில் 2 பேரும் கொல்லப்பட்டனர்.
1999 – எகிப்திய விமானம் ஒன்று மசாசுசெட்சில் வீழ்ந்ததில் அதில் பயணஞ் செய்த 217 பேரும் கொல்லப்பட்டனர்.
2000 – சிங்கப்பூர் போயிங் 747-400 விமானம் தாய்வானில் விபத்துக்குள்ளாகியதில் 83 பேர் கொல்லப்பட்டனர்.
2000 – வடக்கு அங்கோலாவில் தனியார் அண்டோனொவ் விமானம் வெடித்துச் சிதறியதில் 50 பேர் கொல்லப்பட்டனர்.
2003 – 22 ஆண்டுகள் ஆட்சியின் பின்னர் மலேசியப் பிரதம மந்திரி மகதிர் பின் முகமது தமது பதவியைத் துறந்தார்.

பிறப்புகள்

1632 – யொஹான்னெஸ் வெர்மீர், டச்சு ஓவியர் (இ. 1675)
1795 – ஜோன் கீற்ஸ், ஆங்கிலேய-இத்தாலியக் கவிஞர் (இ. 1821)
1815 – கார்ல் வியர்ஸ்ட்ராஸ், செருமானியக் கணிதவியலாளர் (இ. 1897)
1875 – வல்லபாய் பட்டேல், இந்திய அரசியல்வாதி, விடுதலைப் போராட்ட வீரர் (இ. 1950)
1887 – சங் கை செக், சீனக் குடியரசின் 1வது அரசுத்தலைவர் (இ. 1975)
1918 – இயான் ஸ்டீவன்சன், அமெரிக்க உளவியலாளர் (இ. 2007)
1922 – நொரடோம் சீயனூக், கம்போடியாவின் 1வது பிரதமர் (இ. 2012)
1930 – மைக்கேல் கொலின்ஸ், அமெரிக்க விண்வெளிவீரர்
1933 – துரை இராஜாராம், தமிழக எழுத்தாளர்
1961 – பீட்டர் ஜாக்சன், நியூசிலாந்து நடிகர், இயக்குனர்

இறப்புகள்

1811 – பண்டார வன்னியன், வன்னி மன்னன்.
1926 – ஆரி உடீனி, அங்கேரிய-அமெரிக்க மாயவித்தைக் காரர் (பி. 1874)
1975 – எஸ். டி. பர்மன், இந்திய இசையமைப்பாளர் (பி. 1906)
1984 – இந்திரா காந்தி, இந்தியாவின் 3வது பிரதமர் (பி. 1917).
1990 – எம். எல். வசந்தகுமாரி, கருநாடக இசைப்பாடகர் (பி, 1928)
1993 – பெடெரிக்கோ ஃபெலினி, இத்தாலிய இயக்குனர் (பி. 1920)
2003 – செம்மாங்குடி சிறிநிவாச ஐயர், இந்திய கர்நாடக இசைப் பாடகர், (பி. 1908).
2005 – அம்ரிதா பிரீதம், பஞ்சாபி எழுத்தாளர் (பி. 1919)
2005 – பி. லீலா, பின்னணிப் பாடகி (பி. 1934)

சிறப்பு நாள்

ஆலோவீன்
தேசிய ஒற்றுமை நாள் (இந்தியா)
உலக சேமிப்பு நாள்

Continue Reading

ராஜராஜசோழன் சதயவிழாவையொட்டி பெருவுடையார்-பெரியநாயகி அம்மனுக்கு 48 வகையான அபிஷேகம்.

ஆயிரம் ஆண்டுகளுக்கு முன்பு தஞ்சையில் பெரியகோவிலை உருவாக்கி இன்று வரை தமிழகத்திற்கும், இந்தியாவுக்கும் பெருமை சேர்த்து இருப்பவர் மாமன்னன் ராஜராஜசோழன். இந்த கோவிலின் கட்டிடக்கலை மற்றும் கலையம்சம் காரணமாக அதனை உலக பாரம்பரிய சின்னமாக யுனெஸ்கோ அறிவித்துள்ளது. ஒவ்வொரு ஆண்டும் ஐப்பசி மாதம் சதய நட்சத்திரத்தன்று மாமன்னன் ராஜராஜசோழன் சதய விழா தஞ்சை பெரியகோவிலில் கொண்டாடப்பட்டு வருகிறது. அதன்படி இந்த ஆண்டு மாமன்னன் ராஜராஜசோழனின் 1032-வது ஆண்டு சதயவிழா நேற்றுமுன்தினம் தொடங்கியது. முதல்நாளில் மங்களஇசை, கருத்தரங்கம், கவியரங்கம் நடைபெற்றது. நேற்று காலை 2-வது நாள் நிகழ்ச்சி மங்கள இசையுடன் தொடங்கியது.

பின்னர் சிவாச்சாரியார்கள் மற்றும் கோவில் பணியாளர்களுக்கும் திருவேற்காடு கருமாரி பட்டர் அய்யப்பசுவாமிகள் புத்தாடைகளை வழங்கினார். அதைத்தொடர்ந்து தஞ்சை பெரியகோவில் கோபுரம் போன்று வடிவமைக்கப்பட்ட தேரில் ஓதுவார்கள் பாடியபடி திருமுறை வீதி உலா 4 ராஜவீதிகளிலும் வலம் வந்து கோவிலை அடைந்தது. அதைத்தொடர்ந்து பெருவுடையார்-பெரியநாயகி அம்மன் திருமேனிகளுக்கு அபிஷேகம் நடைபெற்றது. திருவேற்காடு கருமாரிபட்டர் அய்யப்பசுவாமி பொறுப்பேற்று இந்த அபிஷேகத்தை 40-வது ஆண்டாக நடத்தினார்.

இதில் பெருவுடையார்-பெரியநாயகி அம்மனுக்கு வில்வஇலை, வன்னிஇலை, நொச்சிஇலை, பிச்சிஇலை, அத்திகொழுந்து, ஆலம்கொழுந்து, மாங்கொழுந்து, பலாகொழுந்து, விளாகொழுந்து உள்ளிட்ட 10 வகையான இலைகளால் அபிஷேகம் நடந்தது. மேலும் விபூதி, தைலக்காப்பு, சாம்பிராணி தைலம், திரவியப்பொடி, வாசனைப்பொடி, மஞ்சள்பொடி, அரிசிமாவுப்பொடி, பஞ்சாமிர்தம், தேன், நெய், பால், தயிர், மாதுளை, ஆரஞ்சு, அன்னாசி, திராட்சை, விளாம் பழம், சாத்துக்குடி, எலுமிச்சை, இளநீர், சந்தனம், பன்னீர், கருப்பஞ்சாறு, அன்னாபிஷேகம் என மொத்தம் 48 வகையான அபிஷேகம் நடைபெற்றன.

அதைத்தொடர்ந்து பெருவுடையார்-பெரியநாயகி அம்மனுக்கு தீபாராதனை நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர். பிற்பகலில் மங்களஇசை, திருமுறை அரங்கம், கிராமியபல்சுவை நிகழ்ச்சி, திருமுறை பண்ணிசைஅரங்கம், பட்டிமன்றம் ஆகியவை நடைபெற்றன. மாலையில் தருமபுர இளைய ஆதினம் மாசிலாமணி ஞானசம்பந்த தேசிகசுவாமிகள் முன்னிலையில் பெருவுடையார்-பெரியநாயகி அம்மன் வெள்ளி ரிஷப வாகனத்தில் எழுந்தருளி வீதி உலாவாக வந்து பக்தர்களுக்கு காட்சி அளித்தனர். மேலும் மாமன்னன் ராஜ ராஜசோழன் சிலைக்கு ஆயிரமாவது முடிசூட்டு விழாவின்போது காஞ்சிகாமகோடி பீடம் சங்கராச்சாரிய சுவாமிகளால் அளிக்கப்பட்ட தங்ககிரீடம் அணிவிக்கப்பட்டு, 50-க்கும் மேற்பட்ட இசைகருவிகளுடன் இசை கலைஞர்களின் இன்னிசையுடனும், கிராமிய கலைநிகழ்ச்சிகளுடனும் 4 ராஜவீதிகளிலும் வீதிஉலா நடைபெற்றது.

Continue Reading

ஆதி சிவசக்தி ஞானபீடத்தில் 10 ஆயிரத்து 8 பெண்கள் திருவிளக்கு பூஜை செய்து கின்னஸ் சாதனை.

பட்டுக்கோட்டையை அடுத்த கார்காவயல் கிராமத்தில் ஆதி சிவசக்தி சித்தர் ஞானபீடம் உள்ளது. இங்கு 10 ஆயிரத்து 8 பெண்கள் கலந்து கொள்ளும் வகையில் சிறப்பு திருவிளக்கு பூஜை செய்து உலக கின்னஸ் சாதனை நிகழ்ச்சியாக நடத்த ஏற்பாடு செய்யப்பட்டிருந்தது. அதன்படி நேற்று முன்தினம் பிற்பகல் பட்டுக்கோட்டை வெங்கிடுசுப்பையா சுவாமிகள் ஆலயத்தில் இருந்து ருத்ர சித்தர் தலைமையில் முக்கிய வீதிகள் வழியாக நாடியம்மன் கோவில் வரை யானை, ஒட்டகம் மற்றும் கலை நிகழ்ச்சிகளுடன் இந்து சக்தி ஊர்வலம் நடைபெற்றது. இதில் ஏராளமான ஆண்களும், பெண்களும் கலந்து கொண்டனர்.

கின்னஸ் சாதனை

அதைத் தொடர்ந்து இரவு 7 மணி அளவில் ஆதிசிவசக்தி சித்தர் ஞானபீடத்தில் 10 ஆயிரத்து 8 பெண்கள் கலந்து கொண்டு 30 வினாடியில் விளக்கு ஏற்றி சிறப்பு பூஜை நடைபெற்றது. இதில் லண்டனில் இருந்து வந்த கின்னஸ் சாதனை நிறுவன நடுவர் ஸ்வப்னில் தலைமையில் குழுவினர் கலந்து கொண்டனர். இந்த திருவிளக்கு பூஜை உலக சாதனை என்று அறிவித்து நடுவர் ஸ்வப்னில், முன்னாள் எம்.எல்.ஏ ரெங்கராஜன் முன்னிலையில் ருத்ர சித்தருக்கு கின்னஸ் சாதனை சான்றிதழை வழங்கி பாராட்டினார்.

விழாவில் 50 பேருக்கு சைக்கிள்கள், 50 பேருக்கு தையல் எந்திரங்கள், 5 பேருக்கு மூன்று சக்கர ஸ்கூட்டர் உள்ளிட்டவைகளை ஆதிசிவசக்தி ஞானபீட ருத்ரசித்தர் வழங்கினார். இதற்கு முன்பு கேரளாவில் 2016-ம் ஆண்டு 1500 விளக்குகள் 30 வினாடியில் ஏற்றியது உலக சாதனையாக இருந்தது என்பது குறிப்பிடத்தக்கது.

Continue Reading

பேராவூரணியில் பள்ளிகளுக்கு இன்று விடுமுறை.

கனமழை காரணமாக தமிழகத்தில் 9 மாவட்ட பள்ளிகளுக்கு இன்று விடுமுறை அறிவிக்கப்பட்டுள்ளது. இலங்கை அருகே வளிமண்டல மேலடுக்கு சுழற்சி நீடிப்பதால் 3 நாட்களுக்கு தமிழகத்தின் பல இடங்களில் கனமழை நீடிக்கும் என இந்திய வானிலை ஆய்வு மையம் தெரிவித்துள்ளது. இதன் காரணமாக சென்னை, காஞ்சிபுரம், திருவள்ளூர், நாகை, புதுவை, காரைக்கால், திருவாரூர், மற்றும் தஞ்சாவூர் ஆகிய மாவட்ட பள்ளிகளுக்கு விடுமுறை அளித்து உத்தரவிடபட்டுள்ளது. கனமழை காரணமாக புதுக்கோட்டை மாவட்ட பள்ளிகளுக்கும் இன்று விடுமுறை அறிவிக்கப்பட்டுள்ளது.இதனையடுத்து பேராவூரணியில் உள்ள அனைத்து பள்ளிகளுக்கும் விடுமுறை அளிக்கப்பட்டது.

Continue Reading

கனமழை தஞ்சை மாவட்டத்தில் பள்ளிகளுக்கு விடுமுறை.

கனமழை காரணமாக தமிழகத்தில் 9 மாவட்ட பள்ளிகளுக்கு இன்று விடுமுறை அறிவிக்கப்பட்டுள்ளது. இலங்கை அருகே வளிமண்டல மேலடுக்கு சுழற்சி நீடிப்பதால் 3 நாட்களுக்கு தமிழகத்தின் பல இடங்களில் கனமழை நீடிக்கும் என இந்திய வானிலை ஆய்வு மையம் தெரிவித்துள்ளது. இதன் காரணமாக தஞ்சை உள்ள பள்ளிகளுக்கு இன்று விடுமுறை அறிவிக்கப்பட்டு உள்ளது.

Continue Reading

பேராவூரணியில் மழை மகிழ்ச்சியில் மக்கள்.

பேராவூரணியில் இன்று காலையில் இருந்து வானம் மேக மூட்டத்துடன் காணப்பட்டதை தொடர்ந்து மதியம் சுமார் 12:30 மணியளவில் மழைப்பெய்ய துவங்கியது சுமார் 5 மணி நேரமாக தொடர் மழை பெய்து வருகின்றது. வெயிலின் தாக்கத்தால் வாட்டி எடுக்கபட்ட மக்களுக்கு இந்த மழை வரப்பிரசாதமாக அமைந்துள்ளது.

Continue Reading

பேராவூரணி அருகே ஏரி, குளங்களை நிரப்ப தண்ணீர் விட வேண்டும் மக்கள் நேர்காணல் முகாமில் கோரிக்கை.

பேராவூரணி அருகே உள்ள ஏரி, குளங்களை நிரப்ப தண்ணீர் திறந்து விட வேண்டுமென மக்கள் நேர்காணல் முகாமில் கோரிக்ைக விடுக்கப்பட்டது. சேதுபாவாசத்திரம் அருகில் உள்ள பெத்தனாட்சிவயலில் மக்கள் நேர்காணல் முகாம் நடந்தது. டிஆர்ஓ சக்திவேல் தலைமை வகித்தார். பேராவூரணி தாசில்தார் பாஸ்கரன் முன்னிலை வகித்தார். முகாமில் 85 மனுக்களை பொதுமக்கள் வழங்கினர். அப்போது கிராம மக்கள் சார்பில் முன்னாள் ஊராட்சி தலைவர் அப்துல் ஜபார் பேசும்போது: பெத்னாட்சிவயலில் 125 குடும்பங்கள் உள்ளன இதில் ஒரு வீட்டுக்கு கூட மின்வசதி கிடையாது. இங்கு குடி இருப்பவர்களுக்கு வீட்டுமனை பட்டா கிடையாது. மேலும் பாதரக்குழி கிராமத்தில் உள்ள மேல்நிலை நீர்த்தேக்க தொட்டியிலிருந்து கிடைக்கக்கூடிய தண்ணீர் போதுமானதாக இல்லை.

எனவே நீர்த்தேக்க தொட்டி தனியாக அமைக்க வேண்டும். ஊமத்தநாடு பெரிய ஏரி மற்றும் ஏரிக்கு தண்ணீர் வரக்கூடிய வாரி (வாத்தலைஆறு) முழுவதுமாக நெய்வேலி காட்டாமணக்கு செடி மூடியுள்ளது. இதை அகற்றுவதற்கு நடவடிக்கை எடுக்க வேண்டும். மேட்டூர் அணை திறந்து 25 நாட்களுக்கு மேலாகியும் இதுவரை கடைமடை பகுதிக்கு தண்ணீர் கிடைக்கவில்லை. இங்கு நிலத்தடி நீர்மட்டம் குறைந்து குடிநீர் தட்டுப்பாடு நிலவுகிறது. எனவே ஏரி, குளங்களை நிரப்ப தண்ணீர் வேண்டும் என்றார். இதைதொடர்ந்து 7 பேருக்கு முதியோர் மற்றும் விதவை உதவித்தொகை, 19 பேருக்கு புதிய குடும்ப அட்டை, 16 பேருக்கு பட்டா மாறுதல் என 42 பேருக்கு நலத்திட்ட உதவிகளை வழங்கி டிஆர்ஓ சக்திவேல் பேசும்போது, நத்தம் புறம்போக்கில் இருப்பவர்களுக்கு உடனடியாக பட்டா வழங்க நடவடிக்கை எடுக்கப்படும். மேய்ச்சல் தரிசு நிலங்களில் உள்ளவர்களுக்கு அதிகாரிகளிடம் ஆலோசித்து பட்டா வழங்க நடவடிக்கை எடுக்கப்படும். ஊமத்தநாடு ஏரியை தூர்வார உத்தரவிடப்படும் என்றார்.

Continue Reading

தஞ்சையில் பேருந்துகள் நேருக்கு நேர் மோதி கோர விபத்து.

அம்மாப்பேட்டையில் அரசுப் பேருந்தும் தனியார் பேருந்தும் நேருக்கு நேர் மோதிக் கொண்ட விபத்தில் 2 பேர் உயிரிழந்துள்ளனர்.தஞ்சாவூர் மாவட்டம் அம்மாபேட்டை அருகே பல்லவராயபேட்டையில் அரசுப் பேருந்து மீது தனியார் பேருந்து மோதி கோர விபத்து நிகழ்ந்துள்ளது. அரசுப் பேருந்தின் மீது வேகமாக வந்து மோதிய தனியார் பேருந்தால் பேருந்தின் முன் பக்கம் சுக்குநூறாகியது. இந்த விபத்தில் இரண்டு பேருந்துகளின் ஓட்டுநர்களும் சம்பவ இடத்திலேயே பலியாகினர். மேலும் ஒரு பெண் பயணி உள்பட மேலும் ஒருவர் மருத்துவமனை செல்லும் வழியில் உயிரிந்துள்ளனர். விபத்தில் படுகாயமடைந்தவர்கள் மீட்கப்பட்டு தஞ்சாவூர் அரசு மருத்துவமனைக்கு அழைத்து செல்லப்பட்டுள்ளனர். இதனிடையே விபத்தில் சிக்கிய பேருந்துகளை கிரேன் மூலம் மீட்கும் பணிகள் தீவிரமாக நடைபெற்று வருகின்றன. பலத்த மழை காரணமாக தஞ்சாவூர் நாகப்பட்டினம் தேசிய நெடுஞ்சாலையில் இந்த விபத்து ஏற்பட்டதாக தெரிகிறது.

Continue Reading

பேராவூரணி அருகே விசைப்படகு மீனவர்கள் வேலை நிறுத்தம்.

தஞ்சைமாவட்ட விசைப்படகுகள் நேற்று முதல் வேலை நிறுத்தத்தில் ஈடுபட்டுள்ளனர் இதையடுத்து தஞ்சைமவாட்டத்தில் உள்ள மல்லிபட்டினம் சேதுபாவாசத்திரம் மற்றும் கல்லிவயல்தோட்டம் ஆகிய துறைமுகங்களில் உள்ள 200-க்கும் மேற்பட்ட விசைப்படகுகள் மீன்பிடிக்க கடலுக்குச் செல்லவில்லை இதையடுத்து விசைபடகுகள் கரையோரம் நிறுத்திவைக்கப்பட்டுள்ளது. இந்த வேலை நிறுத்தத்தால் நேரடியாகவும் மறைமுகமாகவும் சுமார் 5000 பேர் பாதிக்கப்பட்டுள்ளனர் என்பது குறிப்பிடத்தக்கது இதன் தொடர்பாக பல்வேறு கோரிக்கைகளை வலியுறுத்தி தஞ்சை மாவட்ட விசைப்படகுகள் சங்கக்கூட்டம் கல்லிவயல்தோட்டம் சங்க அலுவலகத்தில் நடைபெற்றது. இதில் தமிழ்நாடு மீனவர் சங்க மாநில செயலாளர் தாஜூதீன்; தலைமை தாங்கினார்; மாவட்ட தலைவர் இராஜமணிக்கம், மாவட்ட செயலாளர் வடுகநாதன், மல்லிப்பட்டினம் சங்க செயலாளர் மணிகண்டன்;, கள்ளிவயல்தோட்டம் சங்க பொருளாளர் இப்ராகீம், ஆகியோர் உள்ளிட்ட நிர்வாகிகள் முன்னிலைவகித்தனர் இதில் கூட்டத்தில் ஆழ்கடல் மீன்பிடி தொழில் செய்ய இழுவலை படகுகள் 70 சதவீத மானியம், 20 சதவீதம் வங்கி கடன், 10 சதவீதம் படகு உரிமையாளர் பங்களிப்புடன் வழங்குவதாக கூறும் திட்டத்தை கைவிட்டு மீனவர்கள் விரும்பும் தொழில் செய்ய தற்போதுள்ள விசைபடகுகளை அரசு எடுத்து கொண்டு மத்திய, மாநில அரசுகள் உரிய நிவாரணம் வழங்க வேண்டும். உள்ளிட்ட தீர்மானங்கள் வழியுறுத்தி  நிறைவேற்றும் வரை தஞ்சை மாவட்ட விசைப்படகு மீனவர்கள் நேற்று முதல் கடலுக்குச்செல்லாமல் வேலை நிறுத்தத்தில் ஈடுபட்டுள்ளனர்

Continue Reading

பட்டுக்கோட்டை மழை.

பட்டுக்கோட்டை சுற்றுவட்டரப் பகுதியில் மழை தமிழகத்தில் சென்னை உட்பட பல இடங்களில் பலத்த மழை பெய்து வருகின்ற நிலையில் அதிரையில் இன்று காலையில் இருந்து வானம் மேக மூட்டத்துடன் காணப்பட்டது. அதை தொடர்ந்து பட்டுக்கோட்டை மழை பெய்தது..

Continue Reading

சென்னை, தஞ்சை உள்பட 9 மாவட்டங்களில் கனமழைக்கு வாய்ப்பு.

சென்னை, திருவள்ளூர், காஞ்சிபுரம், விழுப்புரம், கடலூர், நாகை, தஞ்சை, திருவாரூர், ராமநாதபுரம் மாவட்டங்களின் ஓரிரு இடங்களில் கனமழை அல்லது மிக கனமழை பெய்ய வாய்ப்பு உள்ளது என்று சென்னை வானிலை ஆய்வு மையம் தெரிவித்துள்ளது. அடுத்த 24 மணி நேரத்தில் கடலோர மாவட்டத்தின் அனைத்து இடங்களிலும், உள் மாவட்டங்களின் பல இடங்களிலும் மிதமான மழைக்கு வாய்ப்பு உள்ளதாகவும் சென்னை வானிலை மையம் தெரிவித்துள்ளது.

Continue Reading

பேராவூரணியில் சேதுசாலையில் மதுக்கடையை அகற்ற உறுதி.

பேராவூரணி சேதுசாலையில் சட்டமன்ற உறுப்பினர் அலுவலகம் எதிரில், அரசு மகளிர் மேல்நிலைப் பள்ளி செல்லும் சாலையில் உள்ள டாஸ்மாக்மதுக்கடையால், வணிகர்கள், பொதுமக்கள், பள்ளி செல்லும் மாணவிகள், அருகில் உள்ள மருத்துவமனை, தாலுகா அலுவலகம் செல்லும் பொதுமக்கள், அரசுப் பணியாளர்கள் என பலதரப்பட்டோரும் பாதிக்கப்பட்டனர்.இந்த மதுக்கடையை அகற்ற வலியுறுத்தி அக்டோபர் 22 அன்று தமிழக மக்கள்புரட்சிக்கழகம் ஒருங்கிணைப்பில் சிபிஎம், சிபிஐ, மதிமுக மற்றும் பல்வேறு இயக்கங் கள் சார்பில் பேராவூரணி அண்ணாசிலை அருகில் போராட்டம் நடத்தினர். இதையடுத்து அங்கு வந்த வட்டாட்சியர் மற்றும்பட்டுக்கோட்டை டிஎஸ்பி உள்ளிட்ட அலுவலர்கள் பேச்சுவார்த்தை மூலம் பிரச்சனைக்கு தீர்வு காணலாம் என்றனர். இதையடுத்து அன்றைய தினம் போராட்டம் கைவிடப்பட்டது.

இந்நிலையில் அக்டோபர் 28 சனிக்கிழமையன்று மாலை பேராவூரணி வட்டாட்சியர் அலுவலகத்தில், வட்டாட்சியர் எல்.பாஸ்கரன் தலைமையில் பேச்சுவார்த்தை நடைபெற்றது. அரசுத் தரப்பில் டாஸ்மாக் மாவட்டமேலாளர் பூங்கோதை மற்றும் காவல்துறை,வருவாய்துறை அலுவலர்களும், போராட்டக் குழு சார்பில் ஒருங்கிணைப்புக்குழு தலைவரும், தமிழக மக்கள் புரட்சிக்கழக கொள்கை பரப்பு செயலாளருமான ஆறு.நீலகண்டன், மதிமுக சேது ஒன்றியச்செயலாளர் பாலசுப்பிரமணியன், திராவிடர் விடுதலைக்கழகம் சித.திருவேங்கடம், நாம் தமிழர் கட்சி மாநில கொள்கை பரப்பு செயலாளர் திலீபன்,மெய்ச்சுடர் வெங்கடேசன், சாமானிய சகாக்கள் சமந்தா, மீத்தேன்திட்ட எதிர்ப்பு கூட்டமைப்பு தா.கலைச்செல் வன், கிறித்தவ நல்லெண்ண இயக்கம் ஆயர் த.ஜேம்ஸ், மனிதநேய ஜனநாயக கட்சிஅப்துல் சலாம் உள்ளிட்ட பல்வேறு கட்சி, இயக்க நிர்வாகிகள் பேச்சுவார்த்தையில் கலந்து கொண்டனர்.

இக்கூட்டத்தில், வரும் டிசம்பர் 30 ஆம்தேதிக்குள் 60 நாள் கால அவகாசத்தில் மதுக்கடை அகற்றப்படும் என அதிகாரிகள் உறுதியளித்தனர். இதை ஏற்றுக்கொண்ட போராட்டக்குழுவினர், அடுத்து நடைபெறுவதாக இருந்த போராட்டத்தை கைவிடுவதாக அறிவித்தனர்.

Continue Reading

பேராவூரணியில் சாரல் மழை.

பேராவூரணி சிலு சிலு சாரல் மழை, குளுகுளு காற்றுடன் தற்போது நகர் பகுதியில் சாரல் மழை பெய்து வருகின்றது

Continue Reading

தஞ்சை பெரியகோவிலில் ராஜராஜசோழனின் 1032-வது சதயவிழா தொடங்கியது.

 

உலகமே வியக்கும் வகையில் ஆயிரம் ஆண்டுகளுக்கு முன்பு மாமன்னன் ராஜராஜசோழன் தஞ்சை பெரியகோவிலை கட்டினான். ராஜராஜசோழன் முடிசூட்டிய விழாவை அவரது பிறந்தநாளான ஐப்பசி மாத சதய நட்சத்திர நாளன்று ஆண்டுதோறும் சதயவிழாவாக கொண்டாடப்பட்டு வருகிறது. அதன்படி இந்த ஆண்டிற்கான மாமன்னன் ராஜராஜசோழனின் 1032-வது சதயவிழா நேற்றுகாலை டி.கே.எஸ்.பத்மநாபன் குழுவினரின் மங்கள இசையுடன் தொடங்கியது. பின்னர் களிமேடு அப்பர் அவையினரின் திருமுறை அரங்கமும் நடந்தது. தொடர்ந்து மேடை நிகழ்ச்சி நடைபெற்றது. நிகழ்ச்சியில் சதயவிழாக்குழு தலைவர் துரை.திருஞானம் வரவேற்றார். அரண்மனை தேவஸ்தான பரம்பரை அறங்காவலர் பாபாஜிராஜா போன்ஸ்லே முன்னிலை வகித்தார். மாவட்ட கலெக்டர் அண்ணாதுரை தலைமை தாங்கி பேசினார். அப்போது அவர் கூறியதாவது:-

மாமன்னன் ராஜராஜசோழன் பெரியகோவிலை கட்டியதன் மூலம் இந்த மண்ணுக்கு உலகளவில் பெருமை சேர்த்துள்ளான். யுனெஸ்கோ நிறுவனத்தால் தமிழகத்தில் 3 இடங்கள் அங்கீகரிக்கப்பட்டுள்ளன. இதில் தஞ்சை பெரியகோவிலும் ஒன்றாகும். பன்னாட்டு அமைப்பே தஞ்சை பெரியகோவிலை அங்கீகரித்துள்ளது. இந்த கோவில் புவி ஈர்ப்பு மையமாக திகழ்கிறது. ஜனாதிபதி, கவர்னர், நீதிபதிகள், அமைச்சர்கள் என யார் தஞ்சைக்கு வந்தாலும் இந்த கோவிலை பார்க்க தூண்டும். எந்த முறை வந்து பார்த்தாலும் பிரமிப்பை ஏற்படுத்துகிறது. ஆங்கிலேயர் காலத்திற்கு முன்பே கடல் கடந்து நாட்டை கைப்பற்றி ராஜராஜசோழன் ஆட்சி நடத்தி இருக்கிறான்.

மலை இல்லாத இடத்தில் கற்களை கொண்டு வந்து விடாமுயற்சியுடன் கோவிலை கட்டி முடித்துள்ளான். பெரியகோவிலை பற்றி முழுமையாக தெரிந்து கொள்ள ஆயுள் பத்தாது. ஒவ்வொரு இடத்திலும் அறிவியல் தன்மையும், ஆன்மிக தன்மையும் இருக்கிறது. இந்த பூமி உள்ளவரை சாதி, மதம், மொழியை கடந்து ராஜராஜசோழனின் புகழை உலகமே பாராட்டி கொண்டிருக்கும். ராஜராஜசோழனின் சதயவிழாவை உலகமே கொண்டாடும் நிலை வரும்.

இவ்வாறு அவர் கூறினார்.

நிகழ்ச்சியை இந்து சமய அறநிலையத்துறை இணை ஆணையர் தென்னரசு தொடங்கி வைத்தார். பிரிஸ்ட் பல்கலைக்கழக பேராசிரியர் மகேசன், கலை கல்லூரி முன்னாள் முதல்வர் குருநாதன், உறந்தராயன்குடிக்காடு அரசு மேல்நிலைப்பள்ளி தலைமை ஆசிரியர் சேகர் ஆகியோர் பேசினர்.

இதில் மாவட்ட பால்வளத் தலைவர் காந்தி, கூட்டுறவு ஒன்றிய தலைவர் மோகன், கூட்டுறவு பண்டகசாலை தலைவர் பண்டரிநாதன், நிக்கல்சன் கூட்டுறவு வங்கி தலைவர் அறிவுடைநம்பி, துணைத் தலைவர் புண்ணியமூர்த்தி, முன்னாள் நகரசபை உறுப்பினர் சரவணன், நிலவள வங்கி தலைவர் துரை.வீரணன், உதவி ஆணையளர்கள் பரணிதரன், உமாதேவி மற்றும் பலர் கலந்து கொண்டனர்.

இதையடுத்து மாமன்னன் ராஜராஜன் கண்ட திருமுறை என்ற தலைப்பில் கருத்தரங்கம் நடக்கிறது. தமிழ்ப்பல்கலைக்கழக துணைவேந்தர் பாஸ்கரன் தலைமை தாங்கினார். தொடர்ந்து மங்கள இசை, தமிழிசை அரங்கம், திருமுறை பண்ணிசை, நாதஇசை சங்கமம், திருமுறை இசையரங்கம், கவியரங்கம், திருமுறை அரங்கம், கலைநிகழ்ச்சி ஆகியவை நடைபெற்றது.

இன்று(திங்கட்கிழமை) காலையில் மாமன்னன் ராஜராஜசோழன் சிலைக்கு மாலை அணிவித்தல் நிகழ்ச்சி நடைபெறுகிறது. அதைத்தொடர்ந்து திருமுறை ஓதுவார் திருமுறைப்பண்ணுடன் 4 வீதிகளில் திருமுறை வீதி உலா நடைபெறுகிறது. அதைத்தொடர்ந்து காலை 9 மணிக்கு திருவேற்காடு கருமாரி பட்டர் அய்யப்பசுவாமிகள் ஏற்பாட்டின் பேரில் பெருவுடையார், பெரியநாயகி அம்மனுக்கு அபிஷேகம் நடைபெறுகிறது. அதைத்தொடர்ந்து மதியம் 1 மணிக்கு தீபாராதனை நடக்கிறது.

மாலையில் மங்கள இசையும், அதைத்தொடர்ந்து மங்கள லயநாதம், திருமுறை அரங்கம், கிராமிய பல்சுவை நிகழ்ச்சி, திருமுறை பண்ணிசையரங்கம், பட்டிமன்றம் நடக்கிறது. மாலை 6 மணிக்கு தருமபுரம் இளைய ஆதினம் மாசிலாமணி ஞானசம்பந்த தேசிக சுவாமிகள் முன்னிலையில் பெருவுடையார், பெரியநாயகி அம்மன் செப்புதிருமேனிகள் வெள்ளி ரிஷபவாகனத்தில் வீதிஉலா நடக்கிறது.

Continue Reading

தஞ்சாவூரில் இராசராசசோழன் சதயவிழா புகைப்படத் தொகுப்பு.

தஞ்சாவூர் பெருவுடையார் கோவில் மாமன்னன் இராசராசசோழன் 1032 ஆவது ஆண்டு சதயவிழா.

Continue Reading

கொன்றைக்காடு கண் பரிசோதனை முகாம்.

பேராவூரணி லயன்ஸ் சங்கம் மற்றும் தஞ்சை வாசன் கண் மருத்துவமனையுடன் இணைந்துநடத்திய கிராம மக்கள் மற்றும் பள்ளி மாணவர்களுக்கான கண் பரிசோதனை முகாம் வியாழனன்று நடைபெற்றது .முகாமிற்கு லயன்ஸ் சங்க தலைவர் பொறி.டி.ஜெயக்குமார் தலைமை வகித்தார். லயன்ஸ் சங்க செயலாளர் ஆசிரியர் செ.இராமநாதன் வரவேற்றார். லயன்ஸ் சங்க மாவட்டத் தலைவர் எஸ்.கே.ராமமூர்த்தி கலந்துகொண்டார். கொன்றைக்காடு அரசினர் உயர்நிலைப்பள்ளியில் 800 பள்ளி மாணவர்களுக்கு மருத்துவக்குழுவினர் பரிசோதனைசெய்தனர்.

Continue Reading

டெங்கு பேராவூரணியில் மாவட்ட மருத்துவ அலுவலர் ஆய்வு.

பேராவூரணி பகுதியில் டெங்கு காய்ச்சல் கட்டுப் படுத்தப்பட்டுள்ளதாக தஞ்சாவூர் மாவட்ட தொற்றாநோய் பிரிவு மாவட்ட மருத்துவ அலுவலர் டாக்டர்எம்.எட்வின் தெரிவித்தார்.பேராவூரணி அரசு மருத்துவமனையிலும் அங்குள்ள செல் கவுண்டிங் இயந்திரத்தையும் வெள்ளிக்கிழமையன்று மாவட்ட மருத்துவ அலுவலர் டாக்டர் எம்.எட்வின் ஆய்வு செய்தார். மருத்துவமனையில் அனுமதிக்கப்பட்டிருந்த நோயாளிகளிடம் அளிக்கப்படும் சிகிச்சை குறித்து கேட்டறிந்தார். பின்னர் செய்தியாளர்களிடம் பேசுகையில்,” கடந்த அக்டோபர் 8 ஆம் தேதிக்குப்பிறகு இப்பகுதியில் டெங்கு காய்ச்சலால் பாதிக்கப்பட்டவர்கள் கண்டறியப்படவில்லை.

சாதாரண காய்ச்சலுக்கு 4 பேர் மட்டுமே சிகிச்சை பெற்று வருகின்றனர் என்றார்.பின்னர் டாக்டர் ஜே.சி.குமரப்பா பள்ளியில் ஆய்வு மேற்கொண்டு, அங்குள்ள மாணவர்களிடம் டெங்கு காய்ச்சல் மற்றும் தடுப்பு நடவடிக்கைகள் குறித்து கேட்டதற்கு, சரியாக பதில்அளித்ததற்காகவும், மாணவர்களுக்கு தொடர்ச்சியாக நிலவேம்பு குடிநீர் வழங்குவதற்கும் பள்ளி தாளாளர்ஜி.ஆர்.ஸ்ரீதரிடம் பாராட்டுதெரிவித்தார். பின்னர் பேராவூரணி காவல்நிலையம், மாவடுகுறிச்சி, சேதுரோடு, கே.கே.நகர், அண்ணாநகர் ஆகிய பகுதிகளில் ஆய்வு மேற்கொண்டார்.

நன்றி:தீக்கதிர்

 

Continue Reading

வரலாற்றில் இன்று அக்டோபர் 30.

அக்டோபர் 30 (October 30) கிரிகோரியன் ஆண்டின் 303 ஆம் நாளாகும். நெட்டாண்டுகளில் 304 ஆம் நாள். ஆண்டு முடிவிற்கு மேலும் 62 நாட்கள் உள்ளன.

நிகழ்வுகள்

1485 – ஏழாம் ஹேன்றி இங்கிலாந்தின் மன்னனாக முடிசூடினான்.
1502 – வாஸ்கோ ட காமா இரண்டாவது தடவையாக கோழிக்கோடு வந்தார்.
1831 – ஐக்கிய அமெரிக்காவில் அடிமை கிளர்ச்சி செய்த நாட் டர்னர் வேர்ஜீனியாவில் கைது செய்யப்பட்டான்.
1905 – ரஷ்ய மன்னன் இரண்டாம் நிக்கலாஸ் ரஷ்யாவின் முதலாவது அரசியலமைப்பை அறிவித்து பிரதிநிதிகள் அவையை நிறுவினான்.
1918 – ஒட்டோமான் பேரரசு கூட்டுப் படைகளுடன் உடன்பாட்டுக்கு வந்ததில் மத்திய கிழக்கில் முதலாம் உலகப் போர் முடிவுக்கு வந்தது.
1920 – அவுஸ்திரேலியக் கம்யூனிஸ்ட் கட்சி சிட்னியில் அமைக்கப்பட்டது.
1922 – முசோலினி இத்தாலியின் பிரதமர் ஆனார்.
1925 – ஜோன் லோகி பயர்ட் பிரித்தானியாவின் முதலாவது தொலைக்காட்சி ஒளிபரப்பியை அமைத்தார்.
1941 – மேற்கு உக்ரைனில் 1,500 யூதர்கள் நாசிகளினால் பெல்செக் வதைமுகாமிற்கு அனுப்பப்பட்டனர்.
1945 – இந்தியா ஐநாவில் இணைந்தது.
1961 – சோவியத் ஒன்றியம் 50 மெகாதொன் அளவுள்ள “சார் பொம்பா” என்ற அணுகுண்டை வெடிக்க வைத்தது. இதுவே இந்நாள் வரை வெடிக்கப்பட்ட மிகப்பெரிய அணுகுண்டாகும்.
1961 – ஜோசப் ஸ்டாலினின் உடல் மாஸ்கோவின் கிரெம்லினில் லெனின் நினைவகத்தில் இருந்து அகற்றுவதற்கு முடிவெடுக்கப்பட்டது.
1964 – இலங்கையின் மலையகத் தமிழர்களை நாடு கடத்த உதவிய சிறிமா-சாஸ்திரி உடன்படிக்கை கைச்சாத்திடப்பட்டது.
1970 – வியட்நாமில் இடம்பெற்ற பெரும் வெள்ளம் காரணமாக 293 பேர் கொல்லப்பட்டு 200,000 பேர் வீடுகளை இழந்தனர்.
1972 – சிக்காகோவில் இரண்டு பயணிகள் தொடருந்துகள் மோதியதில் 45 பேர் கொல்லப்பட்டனர்.
1973 – ஐரோப்பாவையும் ஆசியாவையும் இணைக்கும் பொஸ்பரஸ் பாலம் துருக்கியின் இஸ்தான்புல் நகரில் அமைக்கப்பட்டது.
1985 – சலேஞ்சர் விண்ணோடம் தனது கடைசி வெற்றிகரமான பயணத்தை ஆரம்பித்தது.
1991 – மத்திய கிழக்கு அமைதி மாநாடு மாட்ரிட் நகரில் ஆரம்பமானது.
1995 – கனடாவில் இருந்து பிரிந்து செல்ல கியூபெக் மாநிலத்தில் எடுக்கப்பட்ட மக்கள் வாக்கெடுப்பு 50.6% to 49.4% என்ற கணக்கில் தோற்கடிக்கப்பட்டது.
2001 – இலங்கைப் பிரதமர் பேசவிருந்த தேர்தல் பிரச்சாரக் கூட்டம் அருகே வெடிகுண்டு வெடித்ததில் 4 பேர் இறந்தனர். 15 பேர் காயமடைந்தனர்.
2006 – ஜெனீவாவில் விடுதலைப் புலிகளிக்கும் இலங்கை அரசுக்கும் இடையில் இடம்பெற்ற பேச்சுவார்த்தைகள் முறிவடைந்தன.
2006 – பாகிஸ்தானின் எல்லையோரத்தில் கார் பகுதியில் உள்ள மதரசா மீது இராணுவம் நடத்திய தாக்குதலில் 80 தீவிரவாதிகள் கொல்லப்பட்டனர்.

பிறப்புக்கள்

1735 – ஜான் ஆடம்ஸ், ஐக்கிய அமெரிக்காவின் இரண்டாவது குடியரசுத் தலைவர் (இ. 1826)

1821 – ஃபியோடார் டாஸ்டோவ்ஸ்கி, ரஷ்ய எழுத்தாளர் (இ. 1881)
1908 – முத்துராமலிங்கத் தேவர், இந்திய விடுதலைப் போராட்ட வீரர் (இ. 1963)
1909 – ஹோமி பாபா, இந்திய அணிவியல், இயற்பியல் ஆராய்ச்சியாளர் (இ. 1966)
1962 – கொட்னி வோல்ஷ், மேற்கிந்தியத் தீவுகள் துடுப்பாட்ட பந்து வீச்சாளர்
1977- டிமிட்ரி மாஸ்கரேஞாஸ், இங்கிலாந்து துடுப்பாட்டக்காரர்

இறப்புகள்

1910 – ஹென்றி டியூனாண்ட், செஞ்சிலுவைச் சங்கத்தை ஆரம்பித்தவர், நோபல் பரிசு பெற்றவர் (பி. 1828)
1963 – முத்துராமலிங்கத் தேவர், இந்திய விடுதலைப் போராட்ட வீரர் (பி. 1908)
1973 – ரா. கிருஷ்ணசாமி நாயுடு, தமிழக அரசியல்வாதி (பி. 1902)
1975 – குஸ்டாவ் லுட்வீக் ஹேர்ட்ஸ், ஜேர்மனிய இயற்பியலாளர், நோபல் பரிசு பெற்றவர் (பி. 1887)
1979 – சுபத்திரன், இலங்கையின் முற்போக்கு இலக்கிய கவிஞர் (பி. 1935)
1999 – சௌமியமூர்த்தி தொண்டமான், இலங்கையின் மலையகத் தமிழர்களின் அரசியல் தலைவர் (பி. 1913).

Continue Reading

வங்க கடலில் உருவாகியுள்ள மேலடுக்கு சுழற்சி காரணமாக தமிழகத்தில் மழை பெய்ய வாய்ப்பு.

வங்க கடலில் உருவாகியுள்ள மேலடுக்கு சுழற்சி காரணமாக தமிழகத்தில் மழை பெய்ய வாய்ப்புள்ளதாக சென்னை வானிலை ஆய்வு மைய இயக்குநர் பாலச்சந்திரன் தெரிவித்துள்ளார்.
சென்னையில் செய்தியாளர்களை சந்தித்த அவர், வடகிழக்கு பருவமழை காரணமாக வடக்கு மற்றும் தென்மாவட்டங்களில் மிதமான மழையும், உள்மாவட்டங்களில் கனமழையும் பெய்ய வாய்ப்பு உள்ளதாக கூறினார். சென்னையை பொறுத்த வரை வானம் மேகமூட்டத்துடன் காணப்படும் என்றும் இடைவெளி விட்டு மழை பெய்யும் என்றும் பாலச்சந்திரன் தெரிவித்தார்.

Continue Reading

ஆனந்தவல்லி வாய்க்காலில் முழுமையாக தண்ணீர் விடாவிட்டால் போராட்டம்.

ஆனந்தவல்லி வாய்க்காலில் முழுமையாக தண்ணீர் திறந்து விடாவிட்டால் சாலை மறியல் போராட்டம் நடத்தப்படும் என்று விவசாயிகள் எச்சரிக்கை விடுத்துள்ளனர்.

தஞ்சை கலெக்டருக்கு கழனிவாசல் ஊராட்சி மன்ற முன்னாள் தலைவர் ராதாகிருஷ்ணன் கோரிக்கை மனு அனுப்பினார். அதில் ஆவணத்திலிருந்து பிரியும் ஆனந்தவல்லி கிளை வாய்க்காலில் இருந்து பழைய நகரம், மாவடுகுறிச்சி, பொன்காடு, பேராவூரணி, முடப்புளிக்காடு, நாட்டாணிக்கோட்டை, கழனிவாசல், சோழகனார்வயல், கொரட்டூர் உள்ளிட்ட கடைமடை பகுதிகளை சேர்ந்த 500 எக்டேர்பரப்பளவு நிலங்கள் பாசன வசதி பெறுகின்றன.

கல்லணையிலிருந்து தண்ணீர் திறந்து விடப்பட்டு 25 நாட்களுக்கு மேலாகியும் கடைமடை பகுதியான கழனிவாசல், கொரட்டூருக்கு தண்ணீர் வந்து சேரவில்லை. கடந்த 4 ஆண்டுகளாகவே விவசாயம் பொய்த்துப் போன நிலையில் இந்தாண்டு விவசாய பணிகள் மேற்கொள்ளலாம் என்ற சூழ்நிலையில் விவசாயிகள் இருந்தனர். ஆனால் கடை மடை பகு திக்கு இது வரை தண் ணீர் வந்து சேரா மல் உள் ளது.

இயற்கை பொய்த் து விட்ட நிலை யில் கிளை ஆறு கள், வாய்க் கால் களை தூர் வா ரா த தால் தண் ணீர் வர வில்லை. இத னால் ஏரி, குளங் கள் நிரம் பால் உள் ளது. ஆறு க ளில் தண் ணீர் வரா த தா லும், மழை இல் லா மல் போன தா லும் நிலத் தடி நீர் மட் டம் குறைந் தது. எனவே பொதுப் ப ணித் துறை அலு வ லர் கள் தலை யிட்டு கடை மடை பகு திக்கு முறை வைக் கா மல் தண் ணீர் திறந்து விட நட வ டிக்கை எடுக்க வேண் டும் என்று தெரி விக் கப் பட் டுள் ளது.

ஆனந் த வல்லி கிளை வாய்க் கா லில் தண் ணீர் முழு மை யாக திறந்து விடா விட் டால் பொது மக் களை திரட்டி மறி யல் போராட் டம் நடத் தப் ப டும் என்று தெரி விக் கப் பட் டுள் ளது.

Continue Reading

வரலாற்றில் இன்று அக்டோபர் 28.

அக்டோபர் 28 (October 28) கிரிகோரியன் ஆண்டின் 301 ஆம் நாளாகும். நெட்டாண்டுகளில் 302 ஆம் நாள். ஆண்டு முடிவிற்கு மேலும் 64 நாட்கள் உள்ளன.

நிகழ்வுகள்

306 – மாக்செண்டியஸ் ரோமப் பேரரசன் ஆனான்.
312 – முதலாம் கொன்ஸ்டண்டீன் மாக்செண்டியசைத் தோற்கடித்து ரோமப் பேரரசனானான்.
1492 – ஸ்பெயின் நாட்டுக் கடலோடியான கொலம்பசும் அவரது கூட்டத்தினரும் வழி தவறிச் சென்று கியூபாவில் கரை இறங்கினர்.
1775 – அமெரிக்கப் புரட்சிப் போர்: பொஸ்டனில் இருந்து பொதுமக்கள் வெளியேறுவதை பிரித்தானியா தடுத்தது.
1834 – சுவான் ஆற்றுக் குடியேற்றத்தில் (தற்போதய மேற்கு அவுஸ்திரேலியாவில்) பழங்குடிகளுக்கும் ஆங்கிலேயக் குடியேற்ற வாதிகளுக்கும் இடையில் இடம்பெற்ற மோதலில் பல பழங்குடியினர் கொல்லப்பட்டனர்.
1886 – நியூ யார்க்கில் அமெரிக்க அதிபர் குரோவர் கிளீவ்லாண்ட் விடுதலைச் சிலையைத் திறந்து வைத்தார்.
1918 – முதலாம் உலகப் போர்: ஆஸ்திரியா-ஹங்கேரியிடம் இருந்து செக்கொசிலவாக்கியா விடுதலை பெற்றது.
1918 – மேற்கு கலீசியாவில் புதிய போலந்து அரசு அமைக்கப்பட்டது.
1922 – முசோலினி தலைமையில் இத்தாலிய பாசிஸ்டுகள் ரோம் நகரை சென்றடைந்து இத்தாலிய அரசைக் கைப்பற்றினர்.
1940 – இரண்டாம் உலகப் போர்: இத்தாலி, அல்பேனியா ஊடாக கிறீஸ் நாட்டைக் கைப்பற்றியது. இந்நாள் கிறீசின் “ஓக்கி நாள்” (Όχι=No, இல்லை) ஆக ஆண்டு தோறும் கொண்டாடப்படுகிறது.
1941 – லித்துவேனியாவின் கௌனாஸ் என்ற இடத்தில் நாசி ஜெர்மனியர் 9,000 யூதர்களை சுட்டுக் கொன்று அதே இடத்தில் புதைத்தனர்.
1942 – கனடா முதல் அலாஸ்கா வரையான அலாஸ்கா நெடுஞ்சாலை அமைக்கப்பட்டது.
1942 – போலந்தின் கிராக்கொவ் நகரில் இருந்து 2,000 யூத சிறுவர்களும் 6,000 பெரியவர்களும் நாசிகளினால் வதைமுகாமுக்கு அனுப்பப்பட்டனர்.
1948 – சுவிட்சர்லாந்து இயற்பியலாளர் போல் முல்லர் டிடிரியைக் கண்டுபிடித்தமைக்காக நோபல் பரிசு பெற்றார்.
1962 – கியூபாவிலிருந்து சோவியத் ஏவுகணைகளை அகற்றுவதாக சோவியத் தலைவர் நிக்கிட்டா குருஷேவ் அறிவித்தார்.
1971 – ஐக்கிய இராச்சியம் தனது முதலாவது (2007 வரை ஒன்றே ஒன்றுமான) “புரொஸ்பெரோ” என்ற செய்மதியை விண்ணுக்கு ஏவியது.
1972 – முதலாவது ஏர்பஸ் A300 பறக்க விடப்பட்டது.
1985 – சண்டினீஸ்டாவின் டானியேல் ஒர்ட்டேகா நிக்கராகுவாவின் அதிபரானார்.
1985 – மிக்கைல் கொர்பச்சோவ் சோவியத் கம்யூனிஸ்ட் கட்சியின் பொதுச் செயலாளர் ஆனார்.
2001 – பாகிஸ்தானில் கிறிஸ்தவ தேவாலயத்துக்குள் புகுந்து தீவிரவாதிகள் கண்முடித்தனமாக சுட்டதில் பெண்கள் உள்பட 16 பேர் கொல்லப்பட்டனர்.
2001 – கேரளாவில் ஏற்பட்ட நிலநடுக்கம் காரணமாக நாகர்கோயில் பகுதியில் இலேசான நில அதிர்வு ஏற்பட்டது.
2006 – 1930களில் ரஷ்யக் கம்யூனிஸ்டுகளால் உக்ரேனின் பிகீவ்னியா காட்டில் கொலை செய்யப்பட்ட 817 உக்ரேனியர்களினது இறுதிக் கிரியைகள் அவர்கள் கொலை செய்யப்பட்ட இடத்தில் இடம்பெற்றன.
2006 – தமிழீழ விடுதலைப் புலிகளுக்கும் சிறிலங்கா அரசுக்கும் இடையே 8 மாதங்களாகத் தடைப்பட்டிருந்த அமைதிப் பேச்சுக்கள் ஜெனீவாவில் மீண்டும் ஆரம்பமாயின.

பிறப்புக்கள்

1955 – பில் கேட்ஸ், மைக்ரோசாப்ட் நிறுவனர், கணிப்பொறி மென்பொருள் வல்லுனர்
1956 – மஹ்மூத் அஹ்மதிநெஜாத், ஈரான் குடியரசுத் தலைவர்

இறப்புகள்

1627 – ஜஹாங்கீர், இந்தியாவின் முகலாயப் பேரரசின் மன்னன் (பி. 1569)
1704 – ஜான் லாக், ஆங்கிலேய தத்துவவியலாளர் (பி. 1632)
1900 – மாக்ஸ் முல்லர், ஜெர்மனிய மொழியியலாளர் (பி. 1823)
1997 – மைசூர் வீ. துரைசுவாமி ஐயங்கார், கருநாடக இசை வீணை வாத்தியக்கலைஞர் (பி: 1920)
2014 – மைக்கேல் சாட்டா, சாம்பியாவின் அரசுத்தலைவர் (பி. 1937)

சிறப்பு நாள்

செக் குடியரசு, சிலவாக்கியா – தேசிய நாள் (1918)

Continue Reading

பேராவூரணி அருகே சிஐடி என கூறி பணம் பறித்த வாலிபரை விட்டுவிட சொன்ன போலீஸ் மக்கள் அதிர்ச்சி.

பேராவூரணி அருகே ரெட்டவயல் பகுதியில் ஒரு சொகுசு காரில் வந்த இளைஞர், ஒதுக்குப்புறமான இடத்தில் நின்று வாகனங்களில் செல்வோரை மிரட்டி நேற்று முன்தினம் மாலை பணம் பறித்துள்ளார். இதனால் பாதிக்கப்பட்ட மக்கள், ரெட்டவயல் மற்றும் சுற்றுவட்டார கிராமத்தினருக்கு தகவல் அளித்தனர். இதைதொடர்ந்து ரெட்டவயல் கிராமத்தில் உள்ள கடைகளுக்கு சென்று மிரட்டி பணம் பறிக்க வாலிபர் முயன்றார். கடைவீதியில் வந்து வசூல் வேட்டையில் ஈடுபட்டதால் சந்தேகமடைந்து அந்த வாலிபரை பொதுமக்கள் மடக்கி பிடித்தனர். அப்போது தான் சிஐடி போலீஸ் எனக்கூறி அடையாள அட்டையை காட்டியுள்ளார்.
அந்த அடையாள அட்டையில் நந்தகுமார், நாகை மாவட்டம் சிவில் சப்ளை சிஐடி என இருந்துள்ளது.

இவரது நடவடிக்கையில் சந்தேகமடைந்த பொதுமக்கள், அந்த நபரை பிடித்து பேராவூரணி காவல் நிலையத்துக்கு தகவல் அளித்தனர். ஆனால் அங்கிருந்து காவலர்கள் யாரும் வரவில்லை. இதனால் மறுபடியும் காவல் நிலையத்தை தொலைபேசியில் தொடர்பு கொண்டு கேட்டபோது பட்டுக்கோட்டைக்கு முதல்வர் வருவதால் பாதுகாப்பு பணிக்கு போலீசார் சென்றுவிட்டனர். இதனால் காவல் நிலையத்தில் வாலிபரை ஒப்படையுங்கள், இல்லாவிட்டால் வாலிபரை விட்டு விடுங்கள் என்று கூறியுள்ளனர். இதனால் அந்த நபரை போலீசார் விட்டுவிட்டனர்.
வசூல் வேட்டையில் ஈடுபட்ட நபர் உண்மையிலேயே காவல்துறையை சேர்ந்தவரா, இல்லை சிவில் சப்ளைஸ் பிரிவு சிஐடியா என்பது தெரியவில்லை. இதுகுறித்து எஸ்பி விசாரித்து நடவடிக்கை எடுக்க வேண்டுமென பொதுமக்கள் கோரிக்கை விடுத்துள்ளனர்.

Continue Reading

பேராவூரணி மதுக்கடையை மூட கோரி கையெழுத்து இயக்கம்.

 

பேராவூரணி நகர் பகுதியில் அமைந்துள்ள டாஸ்மாக் மதுக்கடையை அப்புறப்படுத்தக் கோரி கடைத்தெரு வணிகர்களிடம் கையெழுத்து இயக்கம் நடத்தப்பட்டு வருகிறது. தமிழக மக்கள் புரட்சிக் கழகம், திவிக, சி.பி.ஐ., சி.பி.எம்., மதிமுக, நாம் தமிழர் கட்சி, உழைக்கும் மக்கள் கழகம், தமிழக மக்கள் முன்னேற்ற கழகம், மனித நேய ஜனநாயக கட்சி மற்றும் மதுவுக்கு எதிரான இயக்கங்கள் சார்பில் நடைபெற்று வரும் இந்நிகழ்வுக்கு வணிகர்கள் தங்களது ஆதரவை வழங்கி வருகிறார்கள்.

Continue Reading

பாரம்பரிய நெல் விதைகள்.

பாரம்பரிய நெல் பொக்கிஷங்கள் முன்னோர்கள் உண்டு மகிழ்ந்த பாரம்பரிய நெல் விதை கள் பழமையான நெல் விதை ரகங் க ளைக் குறிக் கும். இந் தி யா வில் 2 லட்சத்துக் கும் மேற் பட்ட நெல் வகை கள் இருந் துள் ள தாக அறி யப் ப டு கி றது. இந் தி யா வில் பசு மைப் பு ரட் சி யின் விளை வாக பல பாரம் ப ரிய நெல் ரகங் கள் அழிந்து விட் டன.
1959 ஆம் ஆண்டு இந் தி யா வின் கட் டக் பகு தி யில் அமைந் தி ருந்த மைய அரிசி ஆராய்ச்சி நிறு வன இயக் கு நர் டாக் டர் ஆர்.எச். ரிச் சா ரியா, இந் தி யா விற்கு அதிக விளைச் சல் தரும் பாரம் ப ரிய விதை நெல் வகை களை சேக ரித்து அவற்றை பயன் ப டுத் து வதே உகந் தது என் றும் நவீன ஐ.ஆர்.ஆர் ரக வீரிய நெல் விதை கள் நோய் பரப் பக் கூ டி யவை என் றும் எடுத் துக் கூறி நவீன ரகத் திற்கு அனு மதி மறுத்து அதன் விளை வாக மாற் றம் செய் யப் பட்டு, பிற் கா லத் தில் நோயுற்று வறு மை யில் வாடி இறந் தார்.
பின் னர் அப் ப த விக்கு வந் த வர் க ளால் டாக் டர் ஆர்.எச். ரிச் சா ரியா சேக ரித் தி ருந்த பாரம் ப ரிய ரக விதை நெல் கள் காணா மல் போன தைப் பற் றிக் கூற இய ல வில்லை. பசு மைப் பு ரட் சி யில் அதிக விளைச் சல் தரும் நவீன ரகங் கள் முக் கி யத் து வம் தரப் பட்டு, பாரம் ப ரிய நெல் விதை கள் இந் தி யா வில் மறை யத் தொ டங் கின.
தற் போது விவ சா யி க ளி டையே பாரம் ப ரிய நெல் விதை களை விற் ப னைக்கு அரசு கொண்டு வர வேண் டும் என்ற எதிர் பார்ப்பு மேலோங் கி யுள் ளது.
பாது காப்பு முயற் சி கள்
பசு மைப் புரட் சி யின் விளை வாக நெல் உற் பத்தி பெரு கி ய பொ ழு தும் பல ஆண் டு க ளுக் குப் பின் னரே ரசா யன உரத் தால் ஏற் பட்ட பின் வி ளை வு கள் உண ரப் பட் டது. இத னால் இயற்கை விவ சா யத் தில் தயா ரிக் கப் ப டும் பொருட் க ளுக்கு முன் னு ரிமை தந்து உடல் ந லம் பேணும் செய லில் பாரம் ப ரிய நெல் விதை க ளைப் பாது காக்க முயற் சி கள் செய் யப் ப டு கின் றன. இந் தி யா வெங் கும் பாரம் ப ரிய நெல் ரகங் க ளைப் பாது காக் கும் முயற்சி தனி ந பர் கள் அல் லது அமைப் பு கள் மூலம் செய் யப் ப டு கின் றது.
அந்த வகை யில் நமது நெல் லைக் காப் போம் அமைப்பு பாரம் ப ரிய நெல் வகை கள் காக் கும் முயற் சி யில் ஈடு பட் டுள் ளது. 2006 லிருந்து ஆண்டு தோறும் மே கடைசி வாரத் தில் திரு வா ரூர் மாவட் டம் திருத் து றைப் பூண்டி அரு கே யுள்ள ஆதி ரெங் கம் கிரா மத் தில் நெல் திரு விழா நடத் தப் ப டு கி றது. இதன் மூ லம் தமிழ் நாடு முழு வ தும் இது வரை 20 ஆயி ரம் விவ சா யி க ளுக் குப் பாரம் ப ரிய நெல் வகை களை விநி யோ கித் துள் ளார் கள் என அறி யப் ப டு கி றது.
உளுந் தூர் பேட்டை, சா ரதா ஆசி ர மம், ‘அக்ஷய க்ருஷி கேந் தி ரா’ அமைப் பு கள் (வேளாண்மை மையம்) பாரம் ப ரிய நெல் வகை க ளில் 150 ரகங் களை சேக ரித் துள் ளன. இதன் மூல மா க வும் பாரம் ப ரிய நெல் விதை க ளைப் பாது காக் கும் வகை யில் இந்த மையங் கள் விழுப் பு ரம் மாவட்ட விவ சா யி க ளுக்கு பாரம் ப ரிய விதை நெல் இல வ ச மாக வழங் கிப் பயி ரிட ஊக் கு வித்து வரு கின் றன. இத னால் பாரம் ப ரிய நெற் ப யிரை 120 கிரா மங் க ளைச் சேர்ந்த 1,500 பெண் வி வ சா யி கள் பயி ரிட்டு பல ன டைந் துள் ள னர்.
புதுக் கோட் டை பகு தி யில் வறட்சி மற் றும் நோய்த் தாக் கு த லைத் தாக் கு பி டிக் கும் பாரம் ப ரிய நெல் வகை களை மீட் டெ டுக் கும் பணி யில் புதுக் கோட்டை இயற்கை விவ சா யி கள் 24 வகை யான பாரம் ப ரி ய மான நெல் வகை களை மீட் டெ டுத் துள் ள னர்.
காஞ் சி பு ரம் மாவட் டம் செங் கற் பட்டு பகு தி யைச் சேர்ந்த முகுந் தன், அரி யன் னூர் ஜெயச் சந் தி ரன், திரு வண் ணா மலை கல சப் பாக் கம் மீனாட்சி சுந் த ரம் முத லா னோர் கிச் ச லிச் சம்பா, பெருங் கார் சீர கச் சம்பா ஆகிய பாரம் ப ரிய நெல் வகை க ளைக் காப் பாற் றி யுள் ள னர்.
இந் தி யப் பாரம் ப ரிய அறி வி யல் மையம் தொண்டு நிறு வ னம் நூற் றுக் க ணக் கான அரிய பாரம் ப ரிய விதை நெல் கொண்ட விதை வங் கியை சீர் கா ழி யில் அமைத் துள் ளது. ஒடி சா வில் இருந்து பெற்ற நெல் விதை உத வி யோடு தஞ் சை யில் விதை வங் கியை மாரி யம் மன் கோயில் கோ.சித் தர் அமைத் துள் ளார்.
வட மா நி லங் களை பொறுத் த வரை, ஒடிசா மாநி லம், கட் டாக் மாவட் டத் தின் நரிசு கிரா மத் தின் ஓய் வு பெற்ற பள் ளித் தலை மை யா சி ரி யர் நட் வர் சாரங்கி (77 ) என் ப வர் 400 பாரம் ப ரிய நெல் ரகங் களை மீட்டு, பாது காத் துள் ளார். இவை விவ சா யி க ளுக்கு வழங் கப் ப டு கின் றன. தமிழ் நாடு மற் றும் கேரளா விவ சா யி கள் இவ ரி டம் இருந்து மருத் துவ குணம் கொண்ட நெல் ரகங் க ளைப் பெ று கின் ற னர்.
கர் நா ட கத் தைச் சேர்ந்த பட் ட தாரி விவ சாயி ஸ்ரீனி வா ச மூர்த்தி, இயற்கை விவ சாய முறை யின் உத வி யு டன் பாரம் ப ரி ய மான 200 நெல் வகை க ளைப் புதுப் பித் துள் ளார்.
மருத் துவ குணங் கள்
பாரம் ப ரிய நெல் ரகங் கள் ஒவ் வொன் றும் ஒவ் வொரு மருத் து வக் குணம் கொண் ட வை யா க வும், பொது வாக அனைத் துமே எளி தில் ஜீர ண மா கக் கூ டி ய வை யா க வும் மலச் சிக் கலை நீக் கும் தன்மை மற் றும் நரம் பு களை பலப் ப டுத் தும் தன்மை கொண் ட வை யா க வும் அறி யப் ப டு கின் றன.
பன் னோக்கு பயன்
நவீன ரக நெற் ப யிர் கள் குறை வான உய ரமே வள ரக் கூ டிய குட்டை ரகத் தைச் சேர்ந் தவை. ஆனால் பாரம் ப ரிய நெல் ரகங் கள் நீள மாக வள ரக் கூ டி யவை. மாட் டுக்கு வைக் கோல், மண் ணுக் குத் தழைச் சத்து, விவ சா யிக்கு நெல் என பன் னோக் கில் பயன் தரக் கூ டி ய வை யாக பாரம் ப ரிய நெல் ரகங் கள் அமை கின் றன.
வைக் கோல்
நவீன ரக நெற் ப யி ரின் வைக் கோ லில் சத்து இல் லா த தால் வைக் கோலை உண் ணும் பசுக் க ளுக்கு பால் அதி கம் சுரப் ப தில்லை. இந் தக் குறை பா டு கள் பாரம் ப ரிய நெற் ப யி ரின் வைக் கோலால் ஏற் ப டாது.
இயற்கை விவ சா யத் தில் ரசாயனம் புகுந் தது. பசுமையில் புரட்சி ஏற் ப டுத் திய ரசா ய னம் மனி த னின் உட லில் அதன் விளை வு களை எதி ரொ லிக்க தவ ற வில்லை. தடந் தோள் தட் டிய தமி ழர் க ளின் தேக் கு மர தேகத் தில் பெயர் தெரி யாத நோய் கள் புகுந்து தேக் க ம டைந் தன. காடு, மலை, வயல் வெளி என இயற் கை யோடு வாழ்ந்து உயிர் காற்றை சுவா சித்து 100 வயது வரை ஆரோக் கி யத் து டன் நட மா டிய நம் முன் னோர் க ளின் வழி காட் டு தலை மறந்ததால் இன்று நச் சுக் காற்றை உள் ளி ழுத்து நாற்பதை கடக்கவே மூச்சு வாங்குகிறோம். நம் மூதா தை யர் க ளின் திட காத் திர உடலை கண்ணை இமை காப் ப து போல் காப் பாற் றி ய தில் நமது பாரம் ப ரிய நெல் ரகங் க ளுக்கு பெரும் பங்கு உண்டு.
அன் ன ம ழகி, அறு ப தாங் கு றுவை, பூங் கார், குழி ய டிச் சான் (குழி வெடிச் சான்), குள் ளங் கார், குட வாழை, காட்டுயா னம், காட் டுப் பொன்னி, வெள் ளைக் கார், மஞ் சள் பொன்னி, கருப் புச் சீர கச் சம்பா, கட் டிச் சம்பா, குரு விக் கார், வரப் புக் குடைஞ் சான், குறு வைக் களஞ் சி யம், கம் பஞ் சம்பா, பொம்மி, பிசினி, வெள் ளைக் குரு விக் கார், மொழிக் க ருப் புச் சம்பா, காட் டுச் சம்பா, கருங் கு றுவை, தேங் காய்ப் பூச் சம்பா, காட் டுக் குத் தா ளம், சேலம் சம்பா, புழு திச் சம்பா, பால் குட வாழை, வாசனை சீர கச் சம்பா, கொசு வக் குத் தாளை, இலுப் பைப் பூச் சம்பா, துள சி வாச சீர கச் சம்பா, சின் னப் பொன்னி, வெள் ளைப் பொன்னி, சிகப் புக் கவுனி, கொட் டா ரச் சம்பா, சீர கச் சம்பா, கைவி ரச் சம்பா, கந் த சாலா, பனங் காட் டுக் குட வாழை, சன் னச் சம்பா, இற வைப் பாண்டி, செம் பி ளிச் சம்பா, நவரா, கருத் தக் கார், கிச் சி லிச் சம்பா, கைவ ரச் சம்பா, சேலம் சன்னா, தூய மல்லி, வாழைப் பூச் சம்பா, ஆற் காடு கிச் சலி, தங் கச் சம்பா, நீலச் சம்பா, மணல் வாரி, கரு டன் சம்பா, கட் டைச் சம்பா, ஆத் தூர் கிச் சிலி, குந் தாவி, சிகப் புக் குரு விக் கார், கூம் பாளை, வல் ல ர கன், கௌனி, பூவன் சம்பா, முற் றின சன் னம், கருப் புக் கவுனி, மாப் பிள் ளைச் சம்பா, மடு மு ழுங்கி, ஒட் ட டம், வாடன் சம்பா, சம்பா மோச னம், கண் ட வா ரிச் சம்பா, வெள்ளை மிள குச் சம்பா, காடைக் கழுத் தான், நீலஞ் சம்பா, ஜவ் வா து மலை நெல், கப் பக் கார், கலி யன் சம்பா, அடுக்கு நெல், செங் கார், ராஜ மன் னார், முரு கன் கார், சொர் ண வாரி, சூரக் கு றுவை, வெள் ளைக் குட வாழை, சூலக் கு ணுவை, நொறுங் கன், பெருங் கார், பூம் பாளை, வாலான், கொத் த மல் லிச் சம்பா, சொர் ண ம சூரி, பய குண்டா, பச் சைப் பெரு மாள், வச ர முண் டான், கோணக் கு றுவை, புழு திக் கார், கருப் புப் பாசு மதி, வீதி வ டங் கான், கண் ட சாலி, அம்யோ மோகர், கொள் ளிக் கார், செம் பி னிப் பொன்னி, பெரும் கூம் பாழை, கச் சக் கூம் பாழை, மதி முனி, கல் லு ருண் டை யான் (கல் லு ருண்டை), ரச க டம், கம் பம் சம்பா, செம் பாளை, வெளி யான், ராஜ முடி, அறு ப தாம் சம்பா, காட்டு வாணி பம், சடைக் கார், சம்யா, மர நெல், கல் லுண்டை, செம் பி னிப் பிரி யன், கார் நெல், மொட் டக் கூர், ராம கல்லி, சன் னக்கி நெல், சிங் கி னி கார், செம் பாலை, மிளகி, வால் சிவப்பு, சித் திரை கார், சிவப்பு சித் திரை கார், முருங் கைக் கார், நூற் றிப் பத்து, கள் ளி ம டை யான், குதி ரை வால் சம்பா, சின் னச் சம்பா, பிச் சா வரை, வெள்ளை குறுவை கார், சூரன் குறுவை, சூலை குறுவை, சிவப் புக் கவுணி, மிள குச் சம்பா, கார், உவர் முண் டான், ஒட் ட டை யான், களர் பாலை, கூம் வாளை, முட் டைக் கார் (முட் டக் கார்), பெருங் கார்.

Continue Reading

வரலாற்றில் இன்று அக்டோபர் 27.

அக்டோபர் 27 (October 27) கிரிகோரியன் ஆண்டின் 300 ஆம் நாளாகும். நெட்டாண்டுகளில் 301 ஆம் நாள். ஆண்டு முடிவிற்கு மேலும் 65 நாட்கள் உள்ளன.

நிகழ்வுகள்

939 – முதலாம் எட்மண்ட் இங்கிலாந்தின் மன்னனாக முடி சூடினான்.
1275 – ஆம்ஸ்டர்டம் நகரம் அமைக்கப்பட்டது.
1682 – பென்சில்வேனியாவின் பிலடெல்பியா நகரம் அமைக்கப்பட்டது.
1795 – ஸ்பானியக் குடியேற்றநாடுகளுக்கும் ஐக்கிய அமெரிக்காவுக்கும் இடையேயான எல்லைகளை வரையறுக்கும் உடன்படிக்கை ஐக்கிய அமெரிக்காவுக்கும் ஸ்பெயினுக்கும் இடையில் செய்துகொள்ளப்பட்டது.
1806 – பிரெஞ்சுப் படையினர் பேர்லின் நகரினுள் நுழைந்தனர்.
1807 – பிரெஞ்சு-ஸ்பானியப் படைகள் போர்த்துக்கலைக் கைப்பற்றின.
1810 – ஐக்கிய அமெரிக்கா முன்னாள் ஸ்பானியக் குடியேற்ற நாடான மேற்கு புளோரிடாவை இணைத்துக் கொண்டது.
1867 – கரிபால்டியின் படைகள் ரோம் நகருள் புகுந்தன.
1870 – 140,000 பிரெஞ்சுப் படை வீரர்கள் மெட்ஸ் நகரில் இடம்பெற்ற போரில் பிரஷ்யாவிடம் சரணடைந்தனர்.
1891 – ஜப்பானில் 8.0 அளவு நிலநடுக்கம் ஏற்பட்டதில் 7000 பேருக்கு மேல் கொல்லப்பட்டனர்.
1904 – முதலாவது சுரங்க நியூயார்க் நகர சப்வே பாதை திறக்கப்பட்டது. இதுவே ஐக்கிய அமெரிக்காவில் மிகப் பெரியதும், உலகில் மிகப் பெரிய சுரங்கப் பாதைகளில் ஒன்றும் ஆகும்.
1924 – உஸ்பெக் சோவியத் குடியரசு சோவியத் ஒன்றியத்தில் அமைக்கப்பட்டது.
1953 – தெற்கு அவுஸ்திரேலியாவில் ஈமியூ ஃபீல்ட் என்ற இடத்தில் டோட்டெம் 2 என்ற பிரித்தானிய அணுவாயுதச் சோதனை மேற்கொள்ளப்பட்டது.
1958 – பாகிஸ்தான் முதலாவது சனாதிபதி இஸ்காண்டர் மிர்சா இராணுவப் புரட்சி ஒன்றில் பதவியில் இருந்து இறக்கப்பட்டு ஜெனரல் அயூப் கான் ஆட்சியைக் கைப்பற்றினார்.
1961 – நாசா தனது முதலாவது சட்டர்ன் 1 விண்கலத்தை விண்ணுக்கு ஏவியது.
1961 – மூரித்தானியா, மங்கோலியா ஆகியன ஐக்கிய நாடுகள் அவையில் சேர்ந்தன.
1962 – கியூபா ஏவுகணை நெருக்கடி: ஐக்கிய அமெரிக்காவின் U-2 விமானம் ஒன்று கியூபாவில் சுட்டு வீழ்த்தப்பட்டது.
1971 – கொங்கோ மக்களாட்சிக் குடியரசு சயீர் எனப் பெயர் மாற்றம் செய்யப்பட்டது.
1979 – செயின்ட் வின்சென்ட் கிரெனேடின்ஸ் ஐக்கிய இராச்சியத்திடம் இருந்து விடுதலை பெற்றது.
1981 – சோவியத் நீர்மூழ்கிக் கப்பல் U 137 சுவீடனின் கிழக்குக் கரையில் மூழ்கியது.
1982 – யாழ்ப்பாணம், சாவகச்சேரி காவல் நிலையம் விடுதலைப் புலிகளால் தாக்கப்பட்டது.
1990 – வட இலங்கை முஸ்லீம்களின் கட்டாய வெளியேற்றம்: யாழ்ப்பாண மாவட்டத்தைத் தாயகமாக கொண்ட முஸ்லிம்கள் அனைவரும் விடுதலைப் புலிகளால் வெளியேற்றப்பட்டனர்.
1991 – துருக்மெனிஸ்தான், சோவியத் ஒன்றியத்திடம் இருந்து விடுதலை அடைந்தது.
1991 – போலந்தில் 1936ம் ஆண்டுக்குப் பின்னர் முதற்தடவையாக சுதந்திரமான தேர்தல்கள் இடம்பெற்றன.
1999 – ஆர்மீனியாவில் நாடாளுமன்றத்தில் இடம்பெற்ற துப்பாக்கிச் சூட்டு நிகழ்வில் பிரதமர், அவைத் தலைவர் உட்பட 8 பேர் கொல்லப்பட்டனர்.
2005 – பாரிசில் இரண்டு முஸ்லிம் இளைஞர்கள் கொல்லப்பட்டதை அடுத்து அங்கு கலவரம் ஏற்பட்டது.
2007 – கொங்கோவில் இடம்பெற்ற பெரு வெள்ளம் காரணமாக 30 பேர் கொல்லப்பட்டு 100 பேர் காயமடைந்தனர்.

பிறப்புக்கள்

1728 – ஜேம்ஸ் குக், பிரித்தானியாவின் கடற்படைக் கப்டன், நாடுகாண் பயணி (இ. 1779)
1782 – நிக்கோலோ பாகானீனி, இத்தாலிய இசையமைப்பாளர் (இ. 1840)
1858 – தியொடோர் ரோசவெல்ட், 26ஆவது அமெரிக்கக் குடியரசுத் தலைவர் (இ. 1919)
1877 – ஜார்ஜ் தாம்சன், ஆங்கிலேயெத் துடுப்பாட்டக் காரர் (இ. 1943)
1920 – கே. ஆர். நாராயணன், இந்தியாவின் 10வது குடியரசுத் தலைவர் (இ. 2005)
1932 – சில்வியா பிளாத், அமெரிக்கக் கவிஞர் (இ. 1963)
1945 – லுலா ட சில்வா, பிரேசில் அரசுத் தலைவர்
1977 – குமார் சங்கக்கார, இலங்கையின் துடுப்பாளர்
1984 – இர்பான் பதான், இந்தியத் துடுப்பாளர்

இறப்புகள்

1605 – அக்பர், முகலாய மன்னன் (பி. 1542)
1845 – சான் சார்லசு அத்தனாசு பெல்த்தியே, பிரான்சிய இயற்பியலாளர் (பி. 1785)
1980 – ஜோன் விளெக், நோபல் பரிசு பெற்ற அமெரிக்கர் (பி. 1899)
1992 – டேவிட் போம், அமெரிக்க இயற்பியலாளர், தத்துவவியலாளர் (பி. 1917)
2009 – டேவிட் செப்பர்ட், ஆங்கிலேய துடுப்பாட்ட நடுவர் (பி. 1940)

சிறப்பு நாள்

செயிண்ட். வின்செண்ட் கிரெனேடின்ஸ் – விடுதலை நாள் (1979)
துருக்மெனிஸ்தான் – விடுதலை நாள் (1991)

Continue Reading