இன்றைய (டிசம்பர் 01) பெட்ரோல் டீசல் விலை.

பெட்ரோல் விலை லிட்டருக்கு ரூ.71.74 , டீசல் விலை லிட்டருக்கு ரூ.61.51, காசுகள் என நிர்ணயம் செய்யப்பட்டுள்ளது. இந்த விலை இன்று(டிச.,01) காலை 6 மணி முதல் அமலுக்கு வந்தது.

எண்ணெய் நிறுவனங்கள் வெளியிட்டுள்ள அறிவிப்பில், பெட்ரோல் 2 காசுகள் குறைந்து லிட்டருக்கு ரூ.71.74 காசுகளாகவும், டீசல் 1 காசுகள் உயர்ந்து ரூ.61.51 காசுகளாகவும் உள்ளன. இந்த விலை இன்று(டிச.,01) காலை 6 மணி முதல் அமலுக்கு வந்தது.

Continue Reading

வரலாற்றில் இன்று டிசம்பர் 01.

டிசம்பர் 1 கிரிகோரியன் ஆண்டின் 335 ஆம் நாளாகும். நெட்டாண்டுகளில் 336 ஆம் நாள். ஆண்டு முடிவிற்கு மேலும் 30 நாட்கள் உள்ளன.

நிகழ்வுகள்

1420 – இங்கிலாந்தின் ஐந்தாம் ஹென்றி மன்னன் பாரிசை முற்றுகையிட்டான்.
1640 – போர்த்துக்கல் ஸ்பெயினிடம் இருந்து விடுதலை பெற்றது. நான்காம் ஜொவாவோ மன்னனானான்.
1768 – அடிமைகளை ஏற்றிச் சென்ற கப்பல் ஒன்று நோர்வேக்கருகில் மூழ்கியது.
1822 – முதலாம் பீட்டர் பிரேசிலின் பேரரசன் ஆனான்.
1875 – வேல்ஸ் இளவரசர் (இங்கிலாந்தின் ஏழாம் எட்வேர்ட் மன்னர்) கொழும்பு வந்தார்.
1918 – ஐஸ்லாந்து டென்மார்க் முடியாட்சியின் கீழ் சுயாட்சி உரிமை பெற்றது.
1918 – சேர்பிய, குரொவேசிய, சிலவேனிய இராச்சியம் (பின்னர் யூகொஸ்லாவிய இராச்சியம்) அமைக்கப்பட்டது.
1924 – எஸ்தோனியாவில் கம்யூனிசப் புரட்சி தோல்வியில் முடிந்தது.
1934 – சோவியத் ஒன்றியத்தில் சோவியத் கம்யூனிஸ்ட் கட்சியின் உயர்பீட உறுப்பினர் செர்கே கீரொவ் கட்சித் தலைமையகத்தில் வைத்து லியொனீட் நிக்கொலாயெவ் என்பவனால் சுட்டுக் கொல்லப்பட்டார்.
1958 – பிரான்சிடம் இருந்து மத்திய ஆபிரிக்கக் குடியரசு விடுதலை பெற்றது.
1958 – சிக்காகோவில் பாடசாலை ஒன்றில் இடம்பெற்ற தீவிபத்தில் 92 மாணவர்கள் உட்பட 95 பேர் கொல்லப்பட்டனர்.
1959 – பனிப்போர்: அண்டார்டிக்கா கண்டத்தில் இராணுவ நடவடிக்கைகளை நிறுத்தவும் அக்கண்டத்தை அறிவியல் ஆராய்ச்சிக்கு மட்டுமே பயன்படுத்த ஒப்பந்தம் செய்யப்பட்டது.
1960 – கொங்கோ அதிபர் பத்திரிசு லுமும்பா இராணுவத் தளபதி மொபுட்டுவினால் கைது செய்யப்பட்டார்.
1961 – இந்தோனீசியாவின் மேற்கு நியூ கினியில் மேற்கு பப்புவா குடியரசு அறிவிக்கப்பட்டது.
1963 – நாகாலாந்து இந்தியாவின் 16வது மாநிலமானது.
1965 – இந்தியாவில் எல்லைக் காவற்படை அமைக்கப்பட்டது.
1971 – இந்திய இராணுவம் காஷ்மீரின் ஒரு பகுதியைப் பிடித்தது.
1973 – பப்புவா நியூ கினி ஆஸ்திரேலியாவிடம் இருந்து சுயாட்சி பெற்றது.
1981 – யூகொஸ்லாவியாவின் விமானம் ஒன்று கோர்சிக்காவில் வீழ்ந்ததில் அதில் பயணஞ் செய்த 180 பேரும் கொல்லப்பட்டனர்.
1981 – எயிட்ஸ் நோக்கொல்லி அதிகாரபூர்வமாக கண்டறியப்பட்டது.
1982 – முதலாவது செயற்கை இருதயம் யூட்டா பல்கலைக்கழகத்தில் பார்னி கிளார்க் என்பவருக்குப் பொருத்தப்பட்டட்து.
1989 – பனிப்போர்: கம்யூனிஸ்ட் கட்சியின் ஏகபோக அதிகாரத்தை அகற்ற கிழக்கு ஜேர்மனி நாடாளுமன்றம் அதன் அரசியலமைப்பைத் திருத்தியது.
1989 – பிலிப்பீன்ஸ் அதிபர் கொரசோன் அக்கீனோவை பதவியில் இருந்து அகற்ற எடுக்கப்பட்ட முயற்சி தோல்வியடைந்தது.
1991 – பனிப்போர்: உக்ரேன் வாக்காளர்கள் சோவியத்திடம் இருந்து உக்ரேன் முற்றாக வெளியேற வாக்களித்தனர்.
2006 – இலங்கையின் பாதுகாப்புச் செயலாளர் கோத்தபாய ராஜபக்ச மீது கொழும்பில் நடத்தப்பட்ட குண்டுத் தாக்குதலில் அவர் காயமெதுவுமின்றி தப்பினார்.

பிறப்புகள்

1935 – வூடி அலன், அமெரிக்க திரைப்படம்|திரைப்படத் தயாரிப்பாளர், நடிகர்.
1954 – மேதா பட்கர், இந்திய சமூக ஆர்வலர்.
1960 – உதித் நாராயண், இந்திய திரைப்படம்|திரைப்படப் பின்னனிப் பாடகர்.
1963 – அர்ஜூன றணதுங்க, இலங்கையின் முன்னாள் கிரிக்கெட் அணித்தலைவர்.

இறப்புகள்

1825 – முதலாம் அலெக்சாண்டர், ரஷ்ய சார் மன்னன் (பி. 1777)
1973 – டேவிட் பென்-குரியன், இஸ்ரேலின் முதல் பிரதமர் (பி. 1886)
1990 – விஜயலட்சுமி பண்டிட் (பி. 1900)

சிறப்பு நாள்

உலக எய்ட்ஸ் நாள்
போர்த்துக்கல் – விடுதலை நாள்
மத்திய ஆபிரிக்கக் குடியரசு – விடுதலை நாள் (1958)

Continue Reading

புனல்வாசலில் மின்கம்பி அறுந்து விழுந்து 6 ஆடுகள் பலி.

பேராவூரணி அடுத்த புனல்வாசலில் மின் கம்பி திடீரென அறுந்து விழுந்ததில் 6 ஆடுகள் பலியாகின. ஆடுகளை ஓட்டிச்சென்ற மூதாட்டி அதிர்ஷ்டவசமாக சுதாரித்து கொண்டதால் உயிர் தப்பினார்.

பேராவூரணியை அடுத்த புனல்வாசல் தெற்குத்தெருவை சேர்ந்த விவசாயி சிமியோன் என்ற சின்னப்பன் (வயது 70) மனைவி சைனிஸ் மேரி (வயது 64) தனக்கு சொந்தமான ஆடுகளை அருகில் இருந்த தென்னந்தோப்பில் மேய்த்துக் கொண்டிருந்தார்.

மழை பெய்யவே மாலை 4.30 மணியளவில் ஆடுகளை ஓட்டிக்கொண்டு வீடு திரும்பினார். அப்போது, புதுப்பட்டினம் 1ம் நம்பர் வாய்க்கால் அருகே தெற்குப்பகுதி வயலின் மேல் செல்லும் உயர் அழுத்த மின் கம்பி திடீரென அறுந்து முன்னாள் சென்று கொண்டிருந்த ஆடுகள் மீது விழுந்துள்ளது. இதில் மூதாட்டி கண் எதிரே மின்சாரம் தாக்கி ஆடுகள் பலியானது. இதில் சுதாரித்து கொண்ட சைனிஸ் மேரி அதிர்ஷ்டவசமாக மயிரிழையில் உயிர் தப்பினார்.

இச்சம்பவம் குறித்து வருவாய்துறையினருக்கு தகவல் அளிக்கப்பட்டது. மேலும் சிமியோன் என்ற சின்னப்பன் மகன் ஜெரோம் திருச்சிற்றம்பலம் காவல்நிலையத்தில் புகார் அளித்தார்.

Continue Reading

பேராவூரணியில் 15.20 மி.மீ மழை பதிவு .

பேராவூரணியில் மற்றும் சுற்றுப்புற பகுதிகளில், கடந்த சில நாட்களாக இடைவெளி விட்டு அவ்வப்போது மழை பெய்து வருகிறது. இந்நிலையில் நேற்று புதன்கிழமை இரவு முதல் இன்று வியாழக்கிழமை மாலை வரை அவ்வப்போது விட்டு விட்டு மழை பெய்தது. மேலும் மழை பெய்யும் என எதிர்பார்க்கப்படுகிறது.

தஞ்சை மாவட்டத்தில் அதிகபட்சமாக வல்லத்தில் 70 மி.மீ (காலை), கும்பகோணத்தில் 35 மி.மீ (மாலை), பட்டுக்கோட்டையில் 31.80 மி.மீ(காலை), 1.60 மி.மீ (மாலை), அதிராம்பட்டினத்தில் 27.60 மி.மீ(காலை), 13.60 மி.மீ(மாலை),பேராவூரணியில் 13.20 மி.மீ (காலை), 2 மி.மீ (மாலை), மதுக்கூரில் 16.40 மி.மீ (காலை), 1.80 மி.மீ (மாலை) மழை பதிவாகியது.

Continue Reading

பேராவூரணி அருகே குத்தகை செலுத்தாத கோயில் நிலம் மீட்பு.

பேராவூரணி அருகே குத்தகை செலுத்தாத கோயில் நிலம் குத்தகைதாரர்களிடமிருந்து மீட்கப்பட்டது.
பேராவூரணி அருகே உள்ள ஆத்தாளூர் ஸ்ரீ வீரமாகாளியம்மன் திருக்கோயிலுக்குச் சொந்தமான ஏராளமான இடங்கள் பேராவூரணி மற்றும் சுற்றுவட்டார பகுதிகளில் உள்ளது. இதில் விவசாயம் மற்றும் தென்னந்தோப்புகள்,  கட்டடங்கள் உள்ளது. இந்த இடங்களுக்கு குத்தகைதாரர்கள் ஆண்டுதோறும் குத்தகை செலுத்தி வருகின்றனர். இதில் சுமார் 3 கோடி ரூபாய் மதிப்பிலான சொத்துகளுக்கு நாடாகாடு,  கீழக்காடு, ஆத்தாளூர் வடக்கு பகுதியைச் சேர்ந்த 6 நபர்கள் நீண்ட நாட்களாக குத்தகை செலுத்தாமல் இருந்து வந்தனர்.
இதுகுறித்து கோவில் சார்பாக தஞ்சை வருவாய் நீதிமன்றத்தில் வழக்கு தொடரப்பட்டு தனித்துணை ஆட்சியர் மஞ்சுளா உத்தரவின் பேரில் வருவாய் நீதிமன்ற அமலாக்க ஆய்வாளர் ரவிச்சந்திரன் தலைமையிலான அதிகாரிகள் குத்தகை செலுத்த தவறிய நிலத்தை மீட்டு திருக்கோவில் வசம் ஒப்படைத்தனர்.
இதில் திருக்கோயிலுக்கு பாத்தியப்பட்ட களத்தூர், தென்னங்குடி, முடப்புளிக்காடு, கழனிவாசல் கிராமங்களைச் சேர்ந்த பிரமுகர்கள் கலந்து கொண்டனர்.

Continue Reading

சேதுபாவாசத்திரம் அருகே சுகாதார சீர்கேடு ஏற்படுத்தும் தொழிற்சாலையை அகற்ற கோரிக்கை.

சேதுபாவாசத்திரம் அருகே அடைக்கத்தேவன் கிராமத்தில் குடியிருப்பு பகுதியில் சுகாதார சீர்கேட்டை ஏற்படுத்தும் தொழிற்சாலையை அகற்ற வேண்டும் என தஞ்சை கலெக்டருக்கு பொதுமக்கள் கோரிக்கை மனு அளித்துள்ளனர்.இதுகுறித்து சுற்றுச்சூழல் பாதுகாப்பு குழு மற்றும் கிராம பொதுமக்கள் சார்பாக முத்தையா என்பவர் கலெக்டருக்கு அனுப்பி உள்ள மனுவில், கூறியிருப்பதாவது: சேதுபாவாசத்திரம் அருகிலுள்ள அடைக்கத்தேவன் கிராமத்தில் அரசுத் தொடக்கப்பள்ளி அருகில் உள்ள ரைஸ்மில் வளாகத்தில் தனியார் ஒருவர், தென்னை கழிவு பஞ்சில் இருந்து கேக் தயாரிக்கும் தொழில் செய்து வருகிறார். அங்கு தென்னை கழிவுகளில் தண்ணீர் விட்டு ஊறல் போட்டுள்ளார்.

இதிலிருந்து வெளியாகும் கழிவநீர் துர்நாற்றத்துடன் வெளியேறுகிறது. இது அருகில் உள்ள பொதுக்குளத்தில் சென்று கலக்கும் அபாயம் உள்ளது. இதன் அருகிலேயே கிராம நிர்வாக அலுவலர் அலுவலகம், அங்கன்வாடி, புயல் பாதுகாப்பு மைய கட்டிடம், நியாய விலைக்கடை, அரசுப்பள்ளி, குடிநீர் தொட்டி ஆகியவை உள்ளது . அருகில் உள்ள குடிநீர் ஊற்றுகளை நம்பியுள்ள பொதுமக்கள் இதனால் மிகவும் பாதிக்கப்பட்டுள்ளோம்.

இத்தொழிற்சாலை காரணமாக பல்வேறு நோய்கள் பரவும் அபாயம், கொசு உற்பத்தியாகும் நிலை மற்றும் சுவாச பாதிப்பு ஏற்படும் நிலை உள்ளது. இதுகுறித்து வட்டார வளர்ச்சி அலுவலரிடம் முறையிட்டும் இதுவரை எந்தவித நடவடிக்கையும் எடுக்கப்படவில்லை. எனவே கலெக்டர் தலையிட்டு உரிய நடவடிக்கை எடுத்து, தொழிற்சாலையை அப்புறப்படுத்த வேண்டும் என அதில் கூறப்பட்டுள்ளது. மனுவில் நூற்றுக்கும் மேற்பட்டோர் கையெழுத்திட்டுள்ளனர்.

Continue Reading

சாலையில் தேங்கி மழை நீர் அகற்ற கோரிக்கை.

பேராவூரணி ஸ்ரீ விநாயகா காம்ப்ளக்ஸ் அருகில் உள்ள தேங்கி உள்ள மழை நீர் அகற்ற கோரிக்கை.

Continue Reading

புதுக்கோட்டை மாவட்டம் கந்தர்வக்கோட்டை அடுத்த அரவம்பட்டி மாபெரும் மின்னொளி கபாடி போட்டி.

புதுக்கோட்டை மாவட்டம் கந்தர்வக்கோட்டை அடுத்த அரவம்பட்டி மாபெரும் மின்னொளி கபாடி போட்டி.

இந்த கபாடி போட்டியில் முதலிடம் பிடிக்கும் அணிக்கு சுழற்கோப்பையுடன்₹20,020 பரிசுத்தொகையும், இரண்டாம் இடம் பிடிக்கும் அணிக்கு ₹15,015 பரிசும், மூன்றாம் இடம் பிடிக்கும் அணிக்கு ₹10,010 பரிசும், நான்காம் இடம் பிடிக்கும் அணிக்கு ₹7,007 பரிசுத்தொகையும் வழங்கப்படவுள்ளது.

Continue Reading

பேராவூரணியில் புதிய உதயம் SPMK-ன் ஸ்ரீ வெட்டுடையார் காளி வெல்டிங் ஒர்க்ஸ்.

பேராவூரணியில் புதிய உதயம் SPMK-ன் ஸ்ரீ வெட்டுடையார் காளி வெல்டிங் ஒர்க்ஸ்.

Continue Reading

கனமழை எதிரொலி தஞ்சை, புதுக்கோட்டை, திருவாரூர் மாவட்டத்தில் பள்ளிகளுக்கு இன்று விடுமுறை.

கனமழை காரணமாக நெல்லை, கன்னியாகுமரி, தூத்துக்குடி, விருதுநகர் மாவட்டங்களில் பள்ளி மற்றும் கல்லூரிகளுக்கு இன்று விடுமுறை அறிவிக்கப்பட்டுள்ளது.

தமிழகத்தில் அடுத்த 36 மணி நேரத்திற்கு மிக கனமழை பெய்ய வாய்ப்பிருப்பதாக இந்திய வானிலை ஆய்வு மையம் தெரிவித்தது. 50 முதல் 65 கிலோ மீட்டர் வேகம் வரை காற்று வீச அதிக வாய்ப்பு இருப்பதாகவும், கடல் கொந்தளிப்பாக காணப்‌படும் எனவும் தெரிவிக்கப்பட்டுள்ளது. இந்நிலையில், தமிழகத்தின் பல்வேறு பகுதிக‌‌ளில் நேற்றிரவு கனமழை‌ பெய்தது.‌ கனமழை காரணமாக நெல்லை,கன்னியாகுமரி, தூத்துக்குடி, விருதுநகர் மாவட்டங்களில் பள்ளி மற்றும் கல்லூரிகளுக்கு இன்று விடுமுறை அளித்து அந்தந்த மாவட்ட ஆட்சியர்கள் உத்தரவிட்டனர்.

திருவாரூர் மாவட்டம் மன்னார்குடி சுற்றுவட்டாரப் பகுதிகளிலும், நாகை மாவட்டம் வேதாரண்யத்திலும் நேற்றிரவு முதல் ப‌‌ரவலாக மழை பெய்தது. இதனையடுத்து மழை காரணமாக திருவாரூர், தஞ்சை, புதுக்கோட்டை மாவட்டத்தில் பள்ளிகளுக்கு மட்டும் விடுமுறை அளிக்கப்பட்டுள்ளது. கல்லூரிகள் வழக்கம் போல் செயல்படும் என தெரிவிக்கப்பட்டுள்ளது.

Continue Reading

பட்டுக்கோட்டையில் இலவச மூட்டுத் தேய்மான பரிசோதனை முகாம் 03.12.2017.

பட்டுக்கோட்டையில் இலவச மூட்டுத் தேய்மான பரிசோதனை முகாம் 03.12.2017.

Continue Reading

இன்றைய (நவம்பர் 30) பெட்ரோல் டீசல் விலை.

பெட்ரோல் விலை லிட்டருக்கு ரூ.71.76 , டீசல் விலை லிட்டருக்கு ரூ.61.50, காசுகள் என நிர்ணயம் செய்யப்பட்டுள்ளது. இந்த விலை இன்று(நவ.,30) காலை 6 மணி முதல் அமலுக்கு வந்தது.

எண்ணெய் நிறுவனங்கள் வெளியிட்டுள்ள அறிவிப்பில், பெட்ரோல் 2 காசுகள் குறைந்து லிட்டருக்கு ரூ.71.76 காசுகளாகவும், டீசல் 3 காசுகள் உயர்ந்து ரூ.61.50 காசுகளாகவும் உள்ளன. இந்த விலை இன்று(நவ.,30) காலை 6 மணி முதல் அமலுக்கு வந்தது.

Continue Reading

வரலாற்றில் இன்று நவம்பர் 30.

நவம்பர் 30 கிரிகோரியன் ஆண்டின் 334 ஆம் நாளாகும். நெட்டாண்டுகளில் 335 ஆம் நாள். ஆண்டு முடிவிற்கு மேலும் 31 நாட்கள் உள்ளன.

நிகழ்வுகள்

1612 – பிரித்தானியக் கிழக்கிந்தியக் கம்பனியின் படைகளுக்கும் போர்த்துக்கீசருக்கும் இடையில் இந்தியக் கரையில் சுவாலி என்ற இடத்தில் இடம்பெற்ற சமரில் பிரித்தானியர் வென்றனர்.
1700 – சுவீடனின் பன்னிரண்டாம் சார்ல்ஸ் தலைமையில் 8.500 இராணுவத்தினர் எஸ்தோனியாவில் நார்வா என்ற இடத்தில் பெரும் ரஷ்யப் படைகளை வென்றனர்.
1718 – நோர்வேயின் பிரெட்ரிக்ஸ்டன் கோட்டை முற்றுகையின் போது சுவீடன் மன்னன் பன்னிரண்டாம் சார்ல்ஸ் இறந்தான்.
1782 – அமெரிக்கப் புரட்சிப் போர்: ஐக்கிய அமெரிக்கா மற்றும் ஐக்கிய இராச்சியம் இரண்டுக்கும் இடையே ஆரம்ப அமைதி உடன்பாடு பாரிசில் கையெழுத்திடப்பட்டது.
1803 – ஸ்பானியர்கள் லூசியானாவை பிரான்சுக்கு அதிகாரபூர்வமாகக் கையளித்தனர். பிரான்ஸ் இப்பிரதேசத்தை 20 நாட்களின் பின்னர் ஐக்கிய அமெரிக்காவுக்கு விற்றது.
1806 – நெப்போலியனின் படைகள் போலந்து தலைநகர் வார்சாவைக் கைப்பற்றினர்.
1853 – ரஷ்யப் பேரரசின் கடற்படை வட துருக்கியில் உள்ள சினோப் என்ற இடத்தில் ஓட்டோமான் பேரரசின் படைகளைத் தோற்கடித்தன.
1872 – உலகின் முதலாவது அனைத்துலக காற்பந்துப் போட்டி கிளாஸ்கோவில் ஸ்கொட்லாந்துக்கும் இங்கிலாந்துக்கும் இடையில் இடம்பெற்றது.
1908 – பென்சில்வேனியாவில் மரியான்னா என்ற இடத்தில் சுரங்கம் ஒன்றில் ஏற்பட்ட வெடிவிபத்தில் 154 பேர் கொல்லப்பட்டனர்.
1917 – முதலாம் உலகப் போர்: யாழ்ப்பாணத்தைச் சேர்ந்த ஆர். ஐயாத்துரை என்ற லான்ஸ் கோப்ரல் போரில் ஈடுபட்டு இறந்தார்.
1936 – லண்டனில் பளிங்கு அரண்மனை தீயினால் சேதமடைந்தது.
1939 – சோவியத் படைகள் பின்லாந்தை முற்றுகையிட்டு குண்டுகளை வீசீன.
1943 – இரண்டாம் உலகப் போர்: டெஹ்ரானில் கூடிய அமெரிக்க ஜனாதிபதி பிராங்கிளின் ரூஸ்வெல்ட், பிரித்தானியத் தலைமை அமைச்சர் வின்ஸ்டன் சேர்ச்சில், ரஷ்ய அதிபர் ஜோசப் ஸ்டாலின் ஆகியோர் ஜூன் 1944 இல் ஐரோப்பாவைத் தாக்கும் தமது திட்டத்தை ஆராய்ந்தனர்.
1962 – பர்மாவைச் சேர்ந்த யூ தாண்ட் ஐக்கிய நாடுகள் சபையின் 3வது பொதுச் செயலராகத் தெரிவானார்.
1966 – ஐக்கிய இராச்சியத்திடம் இருந்து பார்போடஸ் விடுதலை பெற்றது.
1967 – ஐக்கிய இராச்சியத்திடம் இருந்து தெற்கு யேமன் விடுதலை பெற்றது.
1967 – சுல்பிகார் அலி பூட்டோ பாகிஸ்தான் மக்கள் கட்சியை ஆரம்பித்தார்.
1981 – பனிப்போர்: ஜெனீவாவில் ஐக்கிய அமெரிக்கா மற்றும் சோவியத் பிரதிநிதிகள் ஐரோப்பாவில் நிலைகொண்டுள்ள நடுத்தர ஏவுகணைகளைக் குறைக்க பேச்சுவார்த்தையை ஆரம்பித்தனர்.
1995 – வளைகுடாப் போர் முடிவுக்கு வந்தது.

பிறப்புகள்

1825 – வில்லியம்-அடோல்ஃப் பூகுவேரோ, பிரெஞ்சு ஓவியர் (இ. 1905)
1835 – மார்க் டுவெய்ன், அமெரிக்க எழுத்தாளர் (இ. 1910)
1857 – பொபி எபில், ஆங்கிலேயத் துடுப்பாட்ட வீரர் (இ. 1936)
1858 – ஜகதீஷ் சந்திர போஸ், இந்திய முதல் விண்ணலை அறிவியலாளர் (இ. 1937)
1869 – நில்சு குஸ்டாப் டேலன், சுவீடிய இயற்பியலாளர், பநோபல் பரிசு பெற்றவர் (இ. 1937)
1874 – வின்ஸ்டன் சர்ச்சில், ஐக்கிய இராச்சியத்தின் பிரதமரும், நோபல் பரிசு பெற்றவரும் (இ. 1965)
1950 – வாணி ஜெயராம், இந்தியப் பாடகி
1965 – பென் ஸ்டில்லர், அமெரிக்க நடிகர்
1982 – எலிஷா கத்பெர்ட், கனடிய நடிகை
1988 – பிலிப் ஹியூஸ், ஆத்திரேலியத் துடுப்பாட்ட வீரர் (இ. 2014)
1990 – மாக்னசு கார்ல்சன், நோர்வே சதுரங்க ஆட்டக்காரர், உலக வாகையாளர்

இறப்புகள்

1900 – ஆஸ்கார் வைல்டு, ஐரிய நாடகாசிரியர், எழுத்தாளர் (பி. 1854)
1930 – பொன்னம்பலம் இராமநாதன், இலங்கைத் தமிழ்த் தலைவர், அரசியல்வாதி (பி. 1851)
2012 – ஐ. கே. குஜரால், இந்தியாவின் 15வது பிரதமர் (பி. 1919)
2012 – முனீர் மலிக், பாக்கித்தானியத் துடுப்பாட்ட வீரர் (பி. 1931)

சிறப்பு நாள்

பார்போடஸ் – விடுதலை நாள் (1966)
புனித அந்திரேயா விழா – கத்தோலிக்கர் மற்றும் கிழக்கு மரபுவழித் திருச்சபையார்களால் கொண்டாடப்படுகிறது.
புனித அந்திரேயா தினம் – இசுக்காட்லாந்து நாட்டில் தேசிய தினமாகவும், வங்கி விடுமுறை தினமாகவும் உள்ளது.

Continue Reading

திருவண்ணாமலை அண்ணாமலையார் கோவிலில் தேரோட்டம்.

திருவண்ணாமலை அண்ணாமலையார் திருக்கோவில் திருக்கார்த்திகை தீபத்திருவிழாயொட்டி நடைபெற்ற மஹா ரத தேரோட்டத்தில் ஏராளமான பக்தர்கள் கலந்து கொண்டு வடம் பிடித்தனர்.

உலகப் புகழ்பெற்ற திருவண்ணாமலை, அண்ணாமலையார் கோவில் தீபத்திருவிழா கடந்த 23ஆம் கொடியோற்றத்துடன் தொடங்கி நடைபெற்று வருகின்றது. திருக்கார்த்திகை தீபத் திருவிழாவின் 7ஆம் நாளான இன்று, பஞ்ச மூர்த்திகளின் மகாரத தேரோட்டம் நடைபெற்றது. காலை 7 மணியளவில் விநாயகர் தேரும், அதன் பின்பு முருகர் தேரும் மாட வீதிகளில் உலா வந்து நிலையை அடைந்தன. பின்னர் அண்ணாமலையாரின் மஹா ரத தேரோட்டம் தொடங்கியது.

ஆயிரக்கணக்கான பக்தர்கள், நமச்சிவாயா முழக்கத்திற்கிடையே வடம் பிடித்து தேர் இழுக்க, மஹாரதம் மாட வீதிகளில் வலம் வந்து நிலையை அடைந்தது.

Continue Reading

கலைவாணர் என்.எஸ்.கிருஷ்ணன் பிறந்த தினம் இன்று.

தமிழ் திரை உலகின் நகைச்சுவை மன்னராக திகழ்ந்து பகுத்தறிவு கருத்துக்களை எடுத்துரைத்து சிரிக்கவும் சிந்திக்கவும் செய்த நகைச்சுவையின் முடிசூடா மன்னன் கலைவாணர் என்.எஸ்.கிருஷ்ணன் அவர்களின் 109 ஆவது பிறந்தநாள் தினம் இன்று.
கன்னியாகுமரி மாவட்டம் ஒழுகினசேரியில் 1908ஆம் ஆண்டு நவம்பர் 29ஆம் தேதி என்.எஸ்.கிருஷ்ணன் பிறந்தார். அவருக்கு இன்று 109வது பிறந்தநாள்.சிறு வயதில் நாடக கொட்டகைகளில் சோடா விற்கும் சிறுவனாக வேலை செய்து வந்தார். தனது சிறு வயதில் வறுமையால் வாடி பல துன்பங்களை சந்தித்தார். பின்னர் வில்லுப்பாட்டு கலையை கற்று நாடகங்களில் நடித்து தனது கலை துறை வாழ்க்கையை துவங்கினார். படிப்படியாக வளர்ந்த அவர் சொந்தமாக ஒரு நாடக கம்பெனியை துவங்கும் அளவிற்கு உயர்ந்தார். பின் கால சுழற்சிக்கு ஏற்ப தமிழ் திரைப்பட துறையில் கால்பதித்தார்.
1936 ஆம் ஆண்டு சதிலீலாவதி என்ற திரைப்படத்தின் மூலம் நடிகராக அறிமுகம் ஆனார். அதில் இருந்து தொடர்ச்சியாக 150க்கும் மேற்பட்ட படங்களில்நடித்தும் 48 பாடல்களுக்கு மேல் சொந்தமாக பாடியுள்ளார். நடிகர் மட்டுமல்லாமல் தன் நடிப்பின் மூலமாக அனைவரையும் சிரிக்க வைத்து சிந்திக்க செய்தவர் என்.எஸ்.கிருஷ்ணன்.
நடிப்பில் மட்டுமல்லாது நிஜ வாழ்க்கையிலும் தொடர்ந்த அவர் சமூக சீர்திருத்த கருத்துகளை அன்றைய காலத்திலேயே துணிச்சலோடு வெளிப்படுத்திய கலைவாணர் என்.எஸ்.கிருஷ்ணன் மதுரத்தை திருமணம் செய்து கொண்டு இல்லற வாழ்கை வாழ்ந்தார். தன் வருமானத்தின் பெரிய பகுதியை ஏழை எளிய மக்களுக்கு வழங்கி கொடை வள்ளலாக திகழ்ந்த அவர் 1957 ஆம் ஆண்டு ஆகஸ்ட் 30 ஆம் தேதி தனது 49 ஆவது வயதில் காலமானார்.
அவர் மறைந்தாலும் தமிழ் திரை உலகில் அவர் புகழ் என்றும் அழியாமல் இருக்கும் அளவிற்கு சிறந்த கலைஞர் ஆக திகழ்ந்தார்.என்.எஸ் கிருஷ்ணனுக்கு பெருமை சேர்க்கும் விதமாக நாகர்கோவில் மணிமேடை சந்திப்பில் 1972ஆம் ஆண்டு அப்போதைய முதலமைச்சராக இருந்த எம்.ஜி.ஆர், கலைவாணருக்கு சிலை வைத்து சிறப்பு சேர்த்தார்.

Continue Reading

பட்டுக்கோட்டை-அதிராம்பட்டினம் இடையே ரயில் தண்டவாளம் அமைக்கும் பணிகள் தீவிரம்.

பட்டுக்கோட்டை-அதிராம்பட்டினம் தடத்தில் ரயில் தண்டவாளம் அமைக்கும் பணிகள் தீவிரமாக நடைபெற்று வருகின்றன.காரைக்குடி - திருவாரூர் இடையே 147 கி.மீ. தொலைவுக்கு மீட்டர் கேஜ் பாதையை ரூ. 711 கோடி செலவில், அகல ரயில் பாதையாக மாற்றியமைக்கும் பணிகள் நடைபெற்று வருகின்றன.
இதன் ஒருபகுதியாக, பட்டுக்கோட்டை - அதிராம்பட்டினம் இடையிலுள்ள அகல ரயில் பாதையில் புதிதாக தண்டவாளம் அமைக்கும் பணிகள் தீவிரமாக நடைபெற்று வருகின்றன. தற்போது, பட்டுக்கோட்டை ரயில் நிலையம் முதல் மாளியக்காடு ஊராட்சி பகுதி வரையிலான ரயில் பாதையில் கருங்கல் ஜல்லிகள் கொட்டப்பட்டு, அதன் மீது ஸ்லீப்பர் கட்டைகள் அடுக்கி வைக்கப்பட்டு, தண்டவாளங்கள் ஒன்றுடன் ஒன்றாக இணைக்கப்பட்டுள்ளது. இதைத்தொடர்ந்து, மாளியக்காட்டிலிருந்து அதிரை வரை தண்டவாளம் அமைக்கும் பணிக்காக ஏராளமான ஸ்லீப்பர் கட்டைகள் டிப்பர் லாரிகளில் கொண்டு வரப்பட்டு, ஜேசிபி இயந்திரத்தின் உதவியோடு ரயில் பாதையில் அடுக்கி வைக்கப்பட்டுள்ளன. அதிராம்பட்டினம் வரை தண்டவாளம் அமைக்கும் பணிகள் ஓரிரு வாரங்களில் நிறைவடையும் என ரயில்வே துறை வட்டாரங்கள் தெரிவித்தன.

Continue Reading

பட்டுகோட்டையில் மாற்றுத் திறனாளிகள் தர்ணா போராட்டம்.

பட்டுகோட்டையில் 01.12.2017 அன்று வருவாய் கோட்டாட்சியர் அலுவலகம் முன்பு உதவி நலத்திட்டங்கள் வழங்காததை கண்டித்து தமிழ்நாடு மாற்றுத்திறனாளிகள் சங்கத்தினர் சார்பாக தர்ணா போராட்டம் நடைபெற உள்ளது

Continue Reading

பேராவூரணி அதிகாலைமுதலே பரவலாக மழை பெய்துவருகிறது.

குறைந்த காற்றழுத்த தாழ்வு நிலை காரணமாக கடந்த 2 நாள்களாக பேராவூரணி பகுதியில் பரவலாக மழை பெய்து வருகிறது.

பேராவூரணி மற்றும் சுற்றுவட்டாரப்பகுதிகளில் இன்று அதிகாலைமுதலே நல்ல மழை விட்டு விட்டுப்பெய்துவருகிறது.இதனால் மக்கள் மகிழ்ச்சி அடைந்துள்ளனர். இரவில் இருந்து பரவலாக மழை பெய்து வருகிறது. கடந்த ஆண்டைப்போல வறட்சி தொடர்ந்துவிடுமோ என்ற அச்சத்தில் இருந்த விவசாயிகள் தற்போது பெய்துவரும் பரவலான மழையால் மகிழச்சியடைந்துள்ளனர்.

Continue Reading

பேராவூரணி அடுத்த புதுப்பட்டினம் ஊராட்சி ஒன்றிய தொடக்கப்பள்ளி கட்டிடம் மிகவும் பழுதடைந்து உள்ளது.

 

சேதுபாவாசத்திரம் அருகே உள்ள புதுப்பட்டினம் ஊராட்சி ஒன்றிய தொடக்கப்பள்ளி கட்டிடம் மிகவும் பழுதடைந்த நிலையில், எப்பொழுது விழுமோ என்ற நிலையில் உள்ளது. உடனடியாக கட்டிடத்தை இடித்து புதிய கட்டிடம் கட்டித் தர வேண்டும் என பொதுமக்கள் கோரிக்கை விடுத்துள்ளனர்.பேராவூரணியை அடுத்த புதுப்பட்டினம் கடலோர கிராமம் ஆகும். இங்கு மிகவும் பின் தங்கிய சிறுபான்மையின மக்கள், மீனவர்கள் வசித்து வருகின்றனர். இங்குள்ள ஜூம்ஆ பள்ளிவாசல் எதிரில் சேதுபாவாசத்திரம் ஊராட்சி ஒன்றிய தொடக்கப்பள்ளி இயங்கி வருகிறது. இங்கு தலைமையாசிரியர் மற்றும் 2 ஆசிரியர்கள் பணியாற்றி வருகின்றனர்.

இங்கு 1 முதல் 5 ஆம் வகுப்பு வரை சுமார் 100 க்கும் மேற்பட்ட மாணவ, மாணவியர்கள் பயின்று வருகின்றனர்.இங்குள்ள பள்ளிக்கட்டிடம் கடந்த 42 ஆண்டுகளுக்கு முன் 5-11-1975 ஆம் ஆண்டு கட்டப்பட்டு, அப்போதைய ஒன்றியப் பெருந்தலைவர் நாடியம் எஸ்.இராமையன் தலைமையில், அப்போதைய தமிழக போக்குவரத்துத் துறை அமைச்சர் க.இராசாராம் திறந்து வைத்துள்ளார். பழமையான இக்கட்டிடத்தில் பல இடங்களில் வெடிப்பு ஏற்பட்ட நிலையில் உள்ளது. கட்டிடத்தின் உட்புறச்சுவர் மற்றும் வெளிப்புற சன்ஷேட் உடைந்தும் சிமெண்ட் காரைகள் பெயர்ந்தும் காணப்படுகின்றன. அருகிலேயே இவ்வளாகத்தில் அங்கன்வாடியும் உள்ளது. ஏராளமான சிறுவர்கள் நடமாடும் இப்பகுதியில் கட்டிடங்கள் எப்பொழுது வேண்டுமானாலும் இடிந்து விழும் வகையில் அபாயகரமான நிலையில் உள்ளன.பள்ளியில் உள்ள கழிப்பறைகள் சுகாதாரமற்ற வகையில் பழமையான நிலையிலேயே உள்ளன. ஆங்காங்கே எலிப்பொந்துகள் உள்ளதால் கட்டிடத்தின் உறுதித்தன்மை கேள்விக்குறியாக உள்ளது. பின்பக்கம் சுற்றுச்சுவர் இல்லாத நிலையில் விஷ ஜந்துக்கள் உள்ளே நுழைந்து விடும் அபாயமும் உள்ளது. பள்ளி கட்டிடத்தின் ஜன்னல்கள் உடைந்தும், மூட முடியாத நிலைமையிலும் உள்ளன. மழைக்காலங்களில் மாணவர்கள் வகுப்பறையில் அமர முடியாத வகையில் மழைச்சாரல் உள்ளே விழுவதாகவும் பெற்றோர்கள் தெரிவிக்கின்றனர்.

மாணவர்கள் பயன்பாட்டிற்கான தண்ணீர் தொட்டிகள் பல காலங்களாக சுத்தம் செய்யப்படாமல் பாசிபடர்ந்த நிலையில் காணப்படுகிறது.பள்ளி வளாகத்திற்கு வெளியே நுழைவாயில் பகுதியில் வடிகால் வாய்க்காலில் போடப்பட்ட சிமெண்ட் பலகைகள் உடைந்த நிலையில் இருப்பதால் மாணவர்கள் தவறி விழுந்து காயம்படும் நிலை உள்ளது. மழை மற்றும் சூறைக்காற்று வீசும் சமயங்களில் பக்கத்தில் உள்ள சுனாமி பாதுகாப்பு இல்லத்தில் வகுப்புகள் நடப்பதாகவும் கூறப்படுகிறது.

மாவட்ட ஆட்சியர், கோட்டாட்சியர், உதவி தொடக்கக் கல்வி அலுவலர்கள் என பல அரசு அதிகாரிகளையும், புதுப்பட்டினம் கிராமத்தினர், ஜமாஅத் நிர்வாகிகள் நேரில் சந்தித்து, கோரிக்கை மனுக்கள் அளித்தும் கிடப்பில் போடப்பட்ட நிலையே உள்ளதாக பொதுமக்கள் கூறுகின்றனர். அரசு அதிகாரிகள் பள்ளியை பார்வையிட்டு சென்றும் இதுவரை உரிய நடவடிக்கை எடுக்கப்படவில்லை.எனவே கல்வித்துறை அலுவலர்கள், மாவட்ட நிர்வாகம் உடனடியாக நடவடிக்கை எடுத்து ஏதேனும் அசம்பாவிதம் ஏற்படும் முன்னதாக, புதிய கட்டிடம் கட்டித் தர வேண்டும் என்பதே இப்பகுதி மக்களின் கோரிக்கையாக உள்ளது.

Continue Reading

இன்றைய (நவம்பர் 29) பெட்ரோல் டீசல் விலை.

பெட்ரோல் விலை லிட்டருக்கு ரூ.71.78 , டீசல் விலை லிட்டருக்கு ரூ.61.47, காசுகள் என நிர்ணயம் செய்யப்பட்டுள்ளது. இந்த விலை இன்று(நவ.,29) காலை 6 மணி முதல் அமலுக்கு வந்தது.

எண்ணெய் நிறுவனங்கள் வெளியிட்டுள்ள அறிவிப்பில், பெட்ரோல், டீசல் விலையில் நேற்றைய விலையில் மாற்றமின்றி இன்றும் அதே விலையில் தொடர்கிறது. இதன்படி, பெட்ரோல் லிட்டருக்கு ரூ.71.78 காசுகளாகவும், டீசல் லிட்டருக்கு ரூ.61.47 காசுகளாகவும் உள்ளன. இந்த விலை இன்று(நவ.,29) காலை 6 மணி முதல் அமலுக்கு வந்தது.

Continue Reading

வரலாற்றில் இன்று நவம்பர் 29.

நவம்பர் 29 கிரிகோரியன் ஆண்டின் 333 ஆம் நாளாகும். நெட்டாண்டுகளில் 334 ஆம் நாள். ஆண்டு முடிவிற்கு மேலும் 32 நாட்கள் உள்ளன.

நிகழ்வுகள்

1781 – கூலிகளை ஏற்றிச்சென்ற சொங் (Zong) என்ற கப்பல் மாலுமிகள் காப்புறுதிக்காக 133 ஆபிரிக்கர்களை கொன்று கடலுக்குள் எறிந்தனர்.
1830 – போலந்தில் ரஷ்யாவின் ஆட்சிக்கெதிராக புரட்சி வெடித்தது.
1855 – துருக்கியில் தாதியர் பயிற்சிக்காக புளோரன்ஸ் நைட்டிங்கேல் நிதியம் நிறுவப்பட்டது.
1877 – தோமஸ் அல்வா எடிசன் போனோகிராஃப் என்ற ஒலிப்பதிவுக் கருவியைக் முதற்தடவையாகக் காட்சிப்படுத்தினார்.
1915 – கலிபோர்னியாவில் சாண்டா கட்டலீனா தீவின் பல முக்கிய கட்டடங்கள் தீயில் எரிந்தன.
1922 – ஹவார்ட் கார்ட்டர் பண்டைய எகிப்தின் துட்டன்காமுன் மன்னனின் கல்லறையை பொதுமக்களின் பார்வைக்கு திறந்து விட்டார்.
1929 – ஐக்கிய அமெரிக்காவின் ரிச்சார்ட் பயேர்ட் தென் முனை மேல் பறந்த முதல் மனிதரானார்.
1945 – யூகொஸ்லாவிய சமஷ்டி மக்கள் குடியரசு அமைக்கப்பட்டது.
1947 – பாலஸ்தீனத்தைப் பிரிப்பதென ஐநா பொதுச் சபை முடிவெடுத்தது.
1950 – வட கொரியா மற்றும் சீனப் படைகள் ஐநா படைகளை வட கொரியாவிலிருந்து வெளியேறும்படி செய்தனர்.
1961 – நாசாவின் மேர்க்குரி-அட்லஸ் 5 விண்கலம் சிம்பன்சி ஒன்றை ஏற்றிக்கொண்டு விண்ணுக்கு அனுப்பப்பட்டது. இது பூமியை இரு தடவைகள் சுற்றிவந்து புவேர்ட்டோ ரிக்கோவில் இறங்கியது).
1963 – 118 பேருடன் சென்ற கனடாவின் விமானம் மொன்ட்ரியாலில் விபத்துக்குள்ளாகியது.
1982 – ஐநா பொது அவை சோவியத் படைகளை ஆப்கானிஸ்தானில் இருந்து உடனடியாக விலகும்படி சோவியத் ஒன்றியத்தைக் கேட்டது.
1987 – கொரிய விமானம் தாய்-பர்மிய எல்லைக்கருகில் வெடித்துச் சிதறியதில் 155 பேர் கொல்லப்பட்டனர்.
2006 – அணுவாயுதங்களை எடுத்துச் சென்று 700 கிமீ தூரம் உள்ள இலக்குகளைத் தாக்கக்கூடிய ஷாகீன் 1 என்ற ஏவுகணை சோதனையை பாகிஸ்தான் வெற்றிகரமாக நடத்தியது.

பிறப்புகள்

1889 – எட்வின் ஹபிள், வானிலையாளர் (இ. 1953)
1908 – என். எஸ். கிருஷ்ணன், தமிழ்த் திரைப்பட நகைச்சுவை நடிகர் (இ. 1957)
1913 – எஸ். வி. சகஸ்ரநாமம், நாடகக் கலைஞர், திரைப்பட நடிகர் (இ. 1988)
1936 – ஆ. வேலுப்பிள்ளை, ஈழத்துத் தமிழறிஞர், பேராசிரியர் (இ. 2015)

இறப்புகள்

1989 – மருதகாசி, திரைப்படப் பாடலாசிரியர் (பி. 1920)
1993 – ஜே. ஆர். டி. டாடா, இந்தியாவின் முதன்மையான தொழிலதிபர்களுள் ஒருவர், இந்திய வானூர்திப் போக்குவரத்தின் முன்னோடி (பி. 1904)
2008 – ஜோர்ன் அட்சன், டென்மார்க் கட்டிடக்கலைஞர் (பி. 1918)

Continue Reading

பேராவூரணி அடுத்த தென்னங்குடி ஸ்ரீ காலபைரவர் ஆலயம் கார்த்திகை தீபம் தீ சட்டி எடுத்தல் நிகழ்ச்சி 02-12-2017 மாலை 6 மணி

பேராவூரணி அடுத்த தென்னங்குடி ஸ்ரீ காலபைரவர் ஆலயம் கார்த்திகை தீபம் தீ சட்டி எடுத்தல் நிகழ்ச்சி 02-12-2017 மாலை 6 மணிக்கு நிகழ்ச்சி நடைப்பெறுகிறது.

Continue Reading

கோட்டைக்காடு கிராமத்தில் உள்ள ஹைட்ரோகார்பன் திட்ட ஆழ் குழாயை அகற்ற வேண்டும் என பொதுமக்கள் வலியுறுத்தி உள்ளனர்.

கறம்பக்குடி அருகே உள்ள கோட்டைக்காடு கிராமத்தில் கடந்த 7 ஆண்டுகளுக்கு முன்பு மண்எண்ணெய் எடுப்பதற்கான பரிசோதனை எனக்கூறி ஓ.என்.ஜி.சி நிறுவனத்தின் சார்பில் விவசாய நிலங்களில் சுமார் ஆயிரம் அடி ஆழத்தில் ஆழ்குழாய் கிணறு தோண்டப்பட்டது. அதில் குழாய்கள் பொருத்தப்பட்டு கழிவு நீர் தொட்டிகளும் அமைக்கப்பட்டன. இந்தநிலையில் ஹைட்ரோ கார்பன் திட்டத்திற்கு எதிராக நெடு வாசலில் போராட்டம் தொடங்கியதை அடுத்து கோட்டைக்காடு கிராமத்திலும் பொதுமக்கள் மற்றும் விவசாயிகள் போராட்டம் நடத்தினர்.

அப்போது பேச்சுவார்த்தை நடத்திய மாவட்ட கலெக்டர் உள்ளிட்ட அதிகாரிகள் கோட்டைக்காடு கிராமத்தில் ஹைட்ரோ கார்பன் திட்டம் செயல்படுத்தப்படாது எனவும் ஒரு சில மாதங்களில் ஹைட்ரோ கார்பன் திட்ட ஆழ் குழாய்கள் அகற்றப்பட்டு கழிவுநீர் தொட்டிகள் மூடப்படும் எனவும் அறிவித்தனர்.

இந்தநிலையில் அதிகாரிகள் உறுதியளித்து பல மாதங்கள் ஆகியும் ஹைட்ரோ கார்பன் திட்ட ஆழ் குழாயை அகற்றவோ, கழிவு நீர் தொட்டியை மூடவோ எந்த நடவடிக்கையும் எடுக்கப்படவில்லை. பருவ மழை தொடங்கி உள்ள இக்காலத்தில் விவசாயம் நிறைந்த கோட்டைக்காடு கிராமத்தில் முழுமையான விவசாய பணிகளை மேற்கொள்ள முடியாமல் விவசாயிகள் தவித்து வருகின்றனர். எனவே கோட்டைக்காடு கிராமத்தில் உள்ள ஹைட்ரோ கார்பன் திட்ட குழாயையும், கழிவுநீர் தொட்டிகளை மூடி விவசாய நிலத்தை சமப் படுத்தி தரவும் மற்றும் திட்டப்பணிகள் மேற்கொள்ளப்பட்ட விவசாய நிலத்தை சம்பந்தப்பட்டவர்களுக்கு மீண்டும் வழங்கவும் மாவட்ட நிர்வாகம் உடனடியாக நட வடிக்கை எடுக்க வேண்டும் என அப்பகுதி விவசாயிகள் மற்றும் போராட்ட குழுவினர் வலியுறுத்தி உள்ளனர். இவை உடனடியாக நிறைவேற்றப்படாவிட்டால் போராட்டம் நடத்தப்படும் எனவும் போராட்ட குழுவினர் தெரிவித்துள்ளனர்.

Continue Reading

விசாகப்பட்டினத்தில் இருந்து சரக்குரெயிலில் 2,610 டன் யூரியா உரம் தஞ்சைக்கு வந்தது.

காவிரி டெல்டா பகுதியான தஞ்சை, நாகை, திருவாரூர் மாவட்டங்களில் குறுவை, சம்பா, தாளடி என 3 போகம் நெல் சாகுபடி நடைபெறும். மேட்டூர் அணையில் இருந்து தண்ணீர் திறந்து விடப்படுவதை பொறுத்து இதன் சாகுபடி பரப்பளவு அதிகரிக்கும். வழக்கமாக ஜூன் மாதம் 12-ந் தேதி மேட்டூர் அணை திறக்கப்படும். ஆனால் இந்த ஆண்டு போதிய அளவு தண்ணீர் இல்லாததால் வழக்கமாக திறக்கப்படும் தேதியில் மேட்டூர் அணை திறக்கப்படவில்லை. இதனால் குறுவை சாகுபடி பாதிக்கப்பட்டது.

இந்த நிலையில் சம்பா, தாளடி சாகுபடிக்காக இந்த ஆண்டு அக்டோபர் மாதம் 2-ந் தேதி மேட்டூர் அணையில் இருந்து தண்ணீர் திறக்கப்பட்டது. இந்த தண்ணீர் கல்லணையை வந்தடைந்ததை தொடர்ந்து கல்லணையில் இருந்து பாசனத்துக்கு 5-ந் தேதி தண்ணீர் திறக்கப்பட்டது. காவிரி டெல்டா பாசனத்துக்கு தண்ணீர் திறக்கப்பட்டதையொட்டி விவசாயிகள் சம்பா, தாளடி சாகுபடி பணிகளில் தீவிரமாக ஈடுபட்டு வருகிறார்கள். தஞ்சை மாவட்டத்தில் 1 லட்சத்து 36 ஆயிரத்து 900 எக்டேரில் சம்பா, தாளடி சாகுபடி செய்ய இலக்கு நிர்ணயிக்கப்பட்டுள்ளது. சாகுபடி பணிகள் மும்முரமாக நடைபெற்று வருகிறது.

சம்பா, தாளடி சாகுபடிக்கு தேவையான உரங்கள் இருப்பு வைக்கப்பட்டு வேளாண்மை கூட்டுறவு கடன் சங்கங்கள், தனியார் உர விற்பனை நிலையங்கள் மூலம் வினியோகம் செய்யப்பட்டு வருகின்றன. இதற்காக வெளிமாநிலம், வெளிமாவட்டங்களில் இருந்து உரம் வரவழைக்கப்படுவது வழக்கம்.

இந்தநிலையில் ஆந்திர மாநிலம் விசாகப்பட்டினம் துறைமுகத்தில் இருந்து சரக்குரெயிலில் 41 வேகன்களில் 2,610 டன் யூரியா உரம் தஞ்சை ரெயில் நிலையத்திற்கு நேற்று கொண்டு வரப்பட்டது. பின்னர் உர மூட்டைகளை லாரிகளில் தொழிலாளர்கள் ஏற்றினர். இதையடுத்து இந்த உர மூட்டைகள் தஞ்சை, நாகை, திருவாரூர், புதுக்கோட்டை, அரியலூர் ஆகிய மாவட்டங்களில் உள்ள தனியார் விற்பனை நிலையங்களுக்கு கொண்டு செல்லப்பட்டன. இந்த உரம் விவசாயிகளின் தேவைக்கு ஏற்ப விற்பனை செய்யப் படும்.

Continue Reading

பேராவூரணியில் 5 மி.மீ மழை பதிவு காலை 8.30 மணி நிலவரம்.

பேராவூரணியில் மற்றும் சுற்றுப்புற பகுதிகளில், கடந்த 3 நாட்களாக இடைவெளி விட்டு அவ்வப்போது மழை பெய்து வருகிறது. இந்நிலையில் நேற்று திங்கட்கிழமை பிற்பகல் திடீரென பலத்த காற்று வீசியது. பேராவூரணியில் வானம் மேகக்கூட்டங்களால் சூழ்ந்து காணப்படுகின்றன. லேசாக குளிர்ந்த காற்றும் வீசி வருகிறது. மழை நீடித்து பெய்யும் என எதிர்பார்க்கப்படுகிறது.

இன்று (நவ.28) செவ்வாய்கிழமை காலை 8.30 மணி நேர நிலவரப்படி பேராவூரணியில் 5 மி.மீ மழை பதிவாகியது. தஞ்சை மாவட்டத்தில் அதிகபட்சமாக லோவர் அணைகட்டில் 79.40 மி.மீ, பட்டுக்கோட்டையில் 5.50 மி.மீ, அதிராம்பட்டினத்தில் 7.50 மி.மீ, மதுக்கூரில் 3.2 மி.மீ மழை பதிவாகியது.

Continue Reading

பேராவூரணி அடுத்த அதிராம்பட்டினம் கடல் சீற்றம் நாட்டுப்படகு மீனவர்கள் மீன் பிடிக்க கடலுக்குச் செல்லவில்லை.

பேராவூரணி அடுத்த அதிராம்பட்டினம் கடற்பகுதியில் கடல் சீற்றத்துடன் காணப்பட்டுவருவதால் பெரும்பாலான நாட்டுப்படகு மீனவர்கள் மீன்பிடிக்க கடலுக்குச் செல்லவில்லை.தெற்கு வங்கக்கடலில் புயல் மையம் கொண்டுள்ளதால் மீனவர்கள் கடலுக்கு மீன்பிடிக்கச் செல்லும்போது பாதுகாப்புடனும் கவனத்துடனும் செல்லவேண்டும் என மீன்வளத்துறையினர் மற்றும் கடலோர காவல் நிலைய போலிஸார்களும் மீனவர்களிடம் அறிவுறுத்திவருகின்றனர். இந்நிலையில் அதிராம்பட்டினம் கடல் பகுதியில் கடந்த இரண்டு தினங்களாக கடல் சீற்றத்துடன் காணப்படுவதோடு கடல் பகுதியில் மழை விட்டுவிட்டுபெய்தும் வருகிறது இதனால் அதிராம்பட்டினம் ஏரிப்புறக்கரை உள்ளிட்ட தஞ்சை மாவட்ட கடற்கரைப்பகுதியில் உள்ள விசைப்படகுகள் தவிர்த்து பெரும்பாலான நாட்டுப்படகுகள் கடலுக்கு மீன்பிடிக்கச்செல்லவில்லை.இதுபற்றி ஏரிப்புறக்கரை கிராமத்தைச்சேர்ந்த மீனவர் ரவி என்பவர் கூறுகையில் எங்கள் கடல் பகுதியில் கடல் சில நேரங்களில் இயல்பாகவும் சில நேரங்களில் கடும் சீற்றத்துடன் காணப்படுகிறது.இதனால் பெரும்பாலான நாட்டுப்படகு மீனவர்கள் மீன்பிடிக்க கடலுக்குச்செல்லவில்லை ஒரு சில மீனவர்கள் மட்டும் கரையோரத்தில் சிறிது நேரம் மீன்பிடித்துவிட்டு உடனடியாக கரைதிரும்பிவிடுகின்றனர் விசைப்படகு மீனவர்கள் மட்டுமே அதாவது விசைப்படகுகள் அதிக எடைகொண்டதும் அதிக திறன்கொண்டதும் என்பதால் காற்று மற்றும் கடல் சீற்றத்தால் எளிதில் கவிழ்ந்துவிட வாய்ப்பில்லை என்பதால்அவர்கள் மட்டும் மீன்பிடிக்கச்செல்லும் காலக்கெடு தினங்களில் சென்றுவருகின்றனர் என்றார்.

Continue Reading

இந்த வார தமிழக அரசியல் இதழில்: பொங்கி எழும் பேராவூரணி மக்கள்.

Continue Reading

திருவண்ணாமலை கார்த்திகை தீபம் 5ம் நாள் அலங்காரமண்டபத்தில் அலங்காரத்துடன் காட்சி.

திருவண்ணாமலை கார்த்திகை தீபம் 5ம் நாள் அலங்காரமண்டபத்தில் அலங்காரத்துடன் காட்சி.

Continue Reading

பேராவூரணியில் மாவீரர் நாள்.

பேராவூரணி தமிழின உணர்வாளர்கள் கூட்டமைப்பு சார்பில் தமிழீழ விடுதலைப் போரில் உயிர் ஈந்த ஈகியர்களுக்கு வீரவணக்கம் செய்யப்பட்டது. இந்நிகழ்வில் பேரறிவாளன், சாந்தன், முருகன், நளினி உள்ளிட்ட எழுவரை விடுதலை செய்யவும், தமிழீழ விடுதலைக்கு பொது வாக்கெடுப்பு நடந்த வலியுறுத்தியும் முழக்கம் எழுப்பப்பட்டது.

தமிழீழ விடுதலைக்காக உயிர்நீத்த மாவீரர்களுக்கு வீரவணக்கம்.

Continue Reading

இன்றைய (நவம்பர் 28) பெட்ரோல் டீசல் விலை.

பெட்ரோல் விலை லிட்டருக்கு ரூ.71.78 , டீசல் விலை லிட்டருக்கு ரூ.61.47, காசுகள் என நிர்ணயம் செய்யப்பட்டுள்ளது. இந்த விலை இன்று(நவ.,28) காலை 6 மணி முதல் அமலுக்கு வந்தது.

எண்ணெய் நிறுவனங்கள் வெளியிட்டுள்ள அறிவிப்பில், பெட்ரோல் 2 காசுகள் குறைந்து லிட்டருக்கு ரூ.71.78 காசுகளாகவும், டீசல் 3 காசுகள் உயர்ந்து ரூ.61.47 காசுகளாகவும் உள்ளன. இந்த விலை இன்று(நவ.,28) காலை 6 மணி முதல் அமலுக்கு வந்தது.

Continue Reading

வரலாற்றில் இன்று நவம்பர் 28.

நவம்பர் 28 கிரிகோரியன் ஆண்டின் 332 ஆம் நாளாகும். நெட்டாண்டுகளில் 333 ஆம் நாள். ஆண்டு முடிவிற்கு மேலும் 33 நாட்கள் உள்ளன.

நிகழ்வுகள்

1520 – தென்னமெரிக்கா ஊடாகப் பயணித்த போர்த்துகேய நாடுகாண்பயணி மகலன் பசிபிக் பெருங்கடலை அடைந்தான். இவனே அட்லாண்டிக் கடலில் இருந்து பசிபிக் கடலை அடைந்த முதலாவது ஐரோப்பியர் ஆவான்.
1729 – மிசிசிப்பியில் நட்சே இந்தியர்கள் குழந்தைகள், பெண்கள் உட்பட 239 பிரெஞ்சு இனத்தவரைக் கொன்றார்கள்.
1821 – பனாமா ஸ்பெயினிடம் இருந்து பிரிந்து பாரிய கொலம்பியாவுடன் இணைந்தது.
1843 – ஹவாய் இராச்சியத்தை ஐக்கிய இராச்சியம், பிரான்ஸ் ஆகியன விடுதலை அடைந்த தனி நாடாக அங்கீகரித்தன.
1893 – நியூசிலாந்தில் முதற்தடவையாக பெண்கள் வாக்களித்தனர்.
1905 – ஐரிஷ் தேசியவாதி ஆர்தர் கிறிபித் அயர்லாந்தின் விடுதலைக்காக சின் ஃபெயின் என்ற அரசியல் கட்சியை உருவாக்கினார்.
1912 – அல்பேனியா ஒட்டோமான் பேரரசிடம் இருந்து விடுதலையை அறிவித்தது.
1918 – புக்கோவினா ருமேனிய இராச்சியத்துடன் இணைய முடிவு செய்ததூ.
1942 – மசாசுசெட்ஸ் மாநிலத்தில் பொஸ்டன் நகரில் இரவுவிடுதி ஒன்றில் இடம்பெற்ற தீயினால் 491 பேர் இறந்தார்கள்.
1943 – இரண்டாம் உலகப் போர்: ஜெர்மனியையும், ஜப்பானையும் ஒடுக்குவது பற்றி, அமெரிக்க ஜனாதிபதி பிராங்கிளின் ரூஸ்வெல்ட், பிரித்தானியத் தலைமை அமைச்சர் வின்ஸ்டன் சேர்ச்சில், ரஷ்ய அதிபர் ஜோசப் ஸ்டாலின் ஆகிய மூவரும் டெஹ்ரானில் சந்தித்துப் பேசினார்கள்.
1944 – இரண்டாம் உலகப் போர்: அல்பேனியா அல்பேனியப் பார்ட்டிசான்களினால் விடுவிக்கப்பட்டது.
1958 – சாட், கொங்கோ குடியரசு, காபோன் ஆகியன பிரெஞ்சு ஆட்சியின் கீழ் சுயாட்சி பெற்றன.
1960 – மவுரித்தேனியா பிரான்சிடம் இருந்து விடுதலை அடைந்தது.
1964 – நாசா செவ்வாய்க் கோளை நோக்கி மரைனர் 4 விண்கலத்தை ஏவியது.
1975 – கிழக்குத் திமோர் போர்த்துக்கல்லிடம் இருந்து விடுதலையை அறிவித்தது.
1979 – நியூசிலாந்து விமானம் எரெபஸ் மலையில் மோதியதில் அதில் பயணம் செய்த அனைத்து 257 பேரும் கொல்லப்பட்டனர்.
1987 – தென்னாபிரிக்காவின் விமானம் இந்தியப் பெருங்கடலில் வீழ்ந்ததில் அதில் பயணஞ் செய்த அனைத்து 159 பேரும் கொல்லப்பட்டனர்.
1989 – பனிப்போர்: செக்கொசிலவாக்கியாவின் தனியாதிக்க உரிமையை விட்டுத்தருவதாக அந்நாட்டின் கம்யூனிஸ்ட் கட்சி அறிவித்தது.
1990 – ஐக்கிய இராச்சிய தலைமை அமைச்சர் மார்கரெட் தாட்சர் தனது பதவியை விட்டு விலகினார்.
1990 – லீ குவான் யூ சிங்கப்பூர் தலைமை அமைச்சர் பதவையை விட்டு விலகினார். கோ சொக் டொங் புதிய தலைமை அமைச்சரானார்.
1991 – தெற்கு ஒசேத்தியா ஜோர்ஜியாவிடம் இருந்து விடுதலையை அறிவித்தது.
1994 – ஐரோப்பிய ஒன்றியத்தில் இணைய நோர்வே மக்கள் எதிர்த்து வாக்களித்தனர்.
2006 – நாசாவின் நியூ ஹரைசன்ஸ் தானியங்கி விண்கலம் புளூட்டோவின் முதலாவது படத்தை அனுப்பியது.

பிறப்புக்கள்

1757 – வில்லியம் பிளேக், ஆங்கிலேயக் கவி, ஓவியர் (இ. 1827)
1820 – பிரெட்ரிக் எங்கெல்சு, ஜேர்மன் அரசியல் மெய்யியலாளர் (இ. 1895).
1864 – ஜேம்ஸ் ஆலன், ஆங்கில எழுத்தாளர் (இ. 1912)
1876 – பெர்ட் வோக்லர், தென்னாப்பிரிக்க துடுப்பாட்ட வீரர் (இ. 1946)
1962 – யோன் சுருவாட், அமெரிக்க நடிகர்
1967 – ஆன்னா நிக்கோல் ஸ்மித், அமெரிக்க நடிகை (இ. 2007)
1984 – ஆன்டுரூ போகட், ஆஸ்திரேலிய கூடைப்பந்து ஆட்டக்காரர்
1987 – கிரேய்க் கீஸ்வெட்டர், ஆங்கிலேயத் துடுப்பாட்ட வீரர்

இறப்புகள்

1694 – மட்சுவோ பாஷோ, யப்பானியக் கவி (பி. 1644)
1890 – ஜோதிராவ் புலே, இந்திய மெய்யியலாளர் (பி. 1827)
1939 – ஜேம்ஸ் நெய்ஸ்மித், கனடிய-அமெரிக்க கூடைப்பந்து வீரர் (பி. 1861)
1954 – என்ரிக்கோ பெர்மி, இத்தாலிய இயற்பியலாளர், நோபல் பரிசு பெற்றவர் (பி. 1901)
1968 – எனிட் பிளைட்டன், ஆங்கிலேய எழுத்தாளர் (பி. 1897)

சிறப்பு நாள்

அல்பேனியா – விடுதலை நாள் (1912)
மவுரித்தேனியா – விடுதலை நாள் (1960)

Continue Reading

பேராவூரணியில் காற்றுடன் மழை.

பேராவூரணியில் விட்டு, விட்டு மழை பெய்து வருகிறது. இதனால் மக்கள் மகிழ்ச்சி அடைந்துள்ளனர். வங்கக்கடலில் உருவாகியுள்ள குறைந்த காற்றழத்த தாழ்வு நிலையால் தமிழகத்தில் கடலோர மாவட்டங்களுக்கு மழைக்கு வாய்ப்பிருப்பதாக கூறப்படுகிறது.

Continue Reading

பேராவூரணி ஆவணம் ரோடு சாலையில் தேங்கும் மழை நீர் வாகன ஓட்டிகள் அவதி.

பேராவூரணியில் நகரின் முக்கியச் சாலைகளில் தேங்கி நிற்கும் மழை நீரால் வாகன ஓட்டிகள் அவதிப்படுகின்றனர்.பேராவூரணியில் அவ்வப்போது மழை பெய்து வருகிறது. இதனால், ஆங்காங்கே மழை நீர் தேங்குகிறது. இந்த மழை நீர் உரிய வடிகால் வசதியின்றி பிரதான சாலைகள், சாலை சந்திப்புகளில் தேங்கி நிற்பதால் வாகன ஓட்டிகள், பொதுமக்கள் அவதியடைந்து வருகின்றனர்.இதனால், அந்த பகுதிகளில் சாலைகள் சேதமடைந்து குண்டும், குழியுமாக மாறி வருகிறது.இந்த சாலையில் இருசக்கர வாகனங்களில் பயணிக்கும் பெண்கள், முதியோர் கடும் சிரமம் அடைகின்றனர். விபத்து அபாயமும் நிலவுகிறது. எனவே, உரிய வடிகால் வசதி ஏற்படுத்தி மழைநீரை அகற்ற வேண்டும் என கோரிக்கை எழுந்துள்ளது.

Continue Reading