சாம்சங் கேலக்ஸி டேப் A7.0

சாம்சங் நிறுவனம் பட்ஜெட் ரக டேப்லெட் இந்தியாவில் அறிமுகம் செய்யப்பட்டுள்ளது. கடந்த ஆண்டு கேலக்ஸி டேப் A 2017 அறிமுகம் செய்த சாம்சங் இந்த ஆண்டு கேலக்ஸி டேப் A7.0 மாடலை ரூ.9,500 விலையில் அறிமுகம் செய்துள்ளது.

ஆஃப்லைன் விற்பனை மையங்கள் மற்றும் அமேசான் இந்தியா வலைத்தளத்தில் விற்பனை செய்யப்படும் புதிய கேலக்ஸி டேப் A7.0 கருப்பு மற்றும் வெள்ளை என இரண்டு நிறங்களில் கிடைக்கிறது. புதிய சாதனத்தை வாங்கும் ரிலையன்ஸ் ஜியோ வாடிக்கையாளர்களுக்கு ரூ.2000 கேஷ்பேக் வழங்கப்படுகிறது.

4000 எம்ஏஎச் பேட்டரி மூலம் சக்தியூட்டப்படும் சாம்சங் கேலக்ஸி டேப் A7.0 ஒரு முறை சார்ஜ் செய்தால் 9 மணி நேரத்திற்கு வீடியோ பிளேபேக் வழங்கும் என தெரிவிக்கப்பட்டுள்ளது.

சாம்சங் கேலக்ஸி டேப் A7.0 சிறப்பம்சங்கள்:

- 7.0 இன்ச் கேலக்ஸி டேப் A7.0 எச்டி ரெசல்யூஷன்
- 1.5 ஜிகாஹெர்ட்ஸ் குவாட்கோர் பிராசஸர்
- 1.5 ஜிபி ரேம்
- 8 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு இயங்குதளம்
- 5 எம்பி பிரைமரி கேமரா
- 2 எம்பி செல்ஃபி கேமரா
- 4000 எம்ஏஎச் பேட்டரி
- 4ஜி எல்டிஇ, வைபை, ப்ளூடூத்

சாம்சங் நிறுவனம் கடந்த ஆண்டு அக்டோபர் மாதத்தில் கேலக்ஸி டேப் A 2017 சாதனத்தை ரூ.17,990க்கு வெளியிட்டது. 8.0 இன்ச் டிஸ்ப்ளே, 1.4 ஜிகாஹெர்ட்ஸ் குவாட்கோர் பிராசஸர், 2ஜிபி ரேம், 16 ஜிபி இன்டெர்னல் மெமரியும், மெமரியை கூடுதலாக நீட்டிக்கும் வசதி வழங்கப்பட்டுள்ளது.

பிக்ஸ்பி ஹோம் சப்போர்ட், சாம்சங் செயற்கை நுண்ணறிவு தொழில்நுட்பம், 5000 எம்ஏஎச் பேட்டரி மூலம் சக்தியூட்டப்படுகிறது. 8 எம்பி பிரைமரி கேமரா, f/1.9 அப்ரேச்சர், எல்இடி பிளாஷ், 5 எம்பி செல்ஃபி கேமரா, f/2.2 அப்ரேச்சர் வழங்கப்பட்டுள்ளது.

SHARE THIS